Жүктілік және босану және бала күтімі бойынша төлемдерді тағайындау тәртібіне түзетулер енгізілді

Фото: KamranAydinov / Freepik

31 Наурыз, 202513:33 bizmedia.kz

Еңбек және халықты әлеуметтік қорғау министрлігі жүктілік және босану, сондай-ақ 1,5 жасқа дейінгі бала күтімі бойынша төлемдерді тағайындау тәртібіне түзетулер енгізді, деп хабарлайды Bizmedia.kz.

Мемлекеттік әлеуметтік сақтандыру қорының активтерін нысаналы пайдалануды қамтамасыз ету мақсатында Еңбек және халықты әлеуметтік қорғау министрлігі жүктілік және босану, сондай-ақ 1,5 жасқа дейінгі бала күтімі бойынша төлемдерді тағайындау тәртібіне 2025 жылғы 18 наурыздағы № 80 бұйрықпен түзетулер енгізді.

Өзгерістер төлеушілер санына қарамастан, бір айда 7 ЕТЖ аспайтын орташа айлық табысты жүктілік және босану бойынша әлеуметтік төлемді есептеуде пайдалануды көздейді. 2025 жылы бұл сома 595 мың теңгені құрайды.

Сондай-ақ, жүктілік және босану бойынша, 1,5 жасқа дейінгі бала күтімі бойынша әлеуметтік төлемдер мөлшерін есептеуден әлеуметтік тәуекел басталған күннен кейін төленген әлеуметтік аударымдарды алып тастау.

Бұл түзетулер әлеуметтік төлемдерді тағайындау кезінде алаяқтық схемаларды болдырмау үшін енгізілді.