Дәрі-дәрмектерді рецептсіз сату мәселесі Қазақстанда реттелмеген күйінде қалып отыр

Сурет: freepik.com

28 Наурыз, 202516:50

«Казинформ»

Соңғы 2 жылда дәрі-дәрмектерді рецептсіз сатудың 204 фактісі тіркелді, 2025 жылдың басынан бері осындай 6 құқық бұзушылық анықталды. Бұл туралы ҚР Денсаулық сақтау министрлігінің Медициналық және фармацевтикалық бақылау комитеті хабарлады, деп хабарлайды kazinform агенттігінің тілшісі.

"Егер 2023 жылы дәрі-дәрмектерді рецептсіз сату бойынша 100 әкімшілік құқық бұзушылық фактісі тіркелген болса, 2024 жылы бұл көрсеткіш 104-ке жетті. Қазақстан Республикасының Әкімшілік құқық бұзушылық туралы Кодексінің 426 — бабының 1-бөлігіне сәйкес әкімшілік құқық бұзушылық туралы хаттамалар жасалды", - деп хабарлайды Комитет.

Тақырып бойынша сілтемелер28 НаурызҚазақстанда жынысты ауыстыру бойынша операциялар тіркелген жоқ — Денсаулық сақтау министрлігі

Ведомство қызметкерлері дәрі-дәрмектерді рецептсіз жіберетіндерге берілген жаза туралы да айтты.

"Тіркеу және қайта тіркеу, өндіру, дайындау және сапаны бақылау, сынау (зерттеу), әкелу, сатып алу, тасымалдау, сақтау, таңбалау, өткізу қағидаларын бұзу, оның ішінде дәрілік заттарға белгіленген шекті бағадан асып кету, сондай-ақ дәрілік заттарды, медициналық бұйымдарды қолдану (пайдалану), қамтамасыз ету, жою, жарнамалау, егер бұл адам денсаулығына зиян келтіруге әкеп соқпаса, Жеке тұлғаларға — жетпіс, лауазымды адамдарға — жүз, шағын кәсіпкерлік субъектілеріне — жүз отыз, орта кәсіпкерлік субъектілеріне — екі жүз, ірі кәсіпкерлік субъектілеріне-бір мың айлық есептік көрсеткіш мөлшерінде айыппұл салуға әкеп соғады", — Медициналық және фармацевтикалық бақылау комитеті хабарлайды.

Ведомство мамандарының айтуынша, аталған құқық бұзушылыққа куә болған тұрғындар бұл туралы бірыңғай eOtinish платформасы арқылы хабарлай алады. Егер өтініште нақты дәлелдер болса, жауапты адамдар дереу тексеруді бастайды.