ҚР-да аллергологиялық және иммунологиялық көмек көрсетуді ұйымдастыру стандарты әзірленді

ҚР-да аллергологиялық және иммунологиялық көмек көрсетуді ұйымдастыру стандартының жобасы елдегі аллергологиялық және иммунологиялық қызметтің қызметін жетілдіру үшін әзірленген.

Құжат әртүрлі деңгейлерде (амбулаториялық, стационарлық және стационарды алмастыратын жағдайларда) медициналық көмек көрсетудің құрылымы мен ерекшеліктерін жетілдіруді көздейді.

Аллергологиялық және иммунологиялық медициналық көмекті, әдіснамалық және консультациялық көмекті көрсетудің бірыңғай тәсілін үйлестіру және ұйымдастыру, өңірлік және республикалық деңгейлерде медициналық қызметтердің көлемі мен процестерін жоспарлау үшін құзыреттер орталықтарын құру көзделген.

Сондай-ақ, аймақ пен республика бойынша аллергологиялық және иммунологиялық көмекті үйлестіруді, аллергологиялық және иммунологиялық қызметтің негізгі стратегиялары мен бағыттарын, сырқаттанушылық пен өлім-жітімнің, оның ішінде респираторлық инфекциялардың өршуі кезеңінде өсу қарқынын тежеу тетіктерін айқындау мақсатында тыныс алу органдарының аурулары бойынша статистикалық деректерді қалыптастыруға және талдауға қатысуды қамтитын құзырет орталықтарының міндеттері айқындалды.

Бұдан басқа, стандарт жобасында аллергологиялық және иммунологиялық көмек көрсету тәртібі, медициналық ұйымдардың медициналық көмек көрсетудің амбулаториялық және стационарлық деңгейлеріндегі штаттық нормативтері мен жарақтандырылуы, оның ішінде балалар мен жүкті әйелдерге көмек көрсетудің ерекшеліктері ескерілген.

Құжат 14 сәуірге дейін ашық талқылау үшін "Ашық НҚА" сайтында орналастырылған.