Миллиардтаған теңгеге Қазақстанда заңсыз акцизделетін өнім анықталды

Сурет: gov.kz

28 Наурыз, 202514:07 inbusiness.kz

Мемлекеттік кірістер комитеті акцизделетін тауарларды өндіру, сақтау, тасымалдау, өткізу және есепке алу саласындағы заңнаманың сақталуын бақылауға бағытталған жыл сайынғы тексеру іс-шараларының қорытындысын шығарды. 2024 жылдың қорытындысы бойынша Қазақстанда алкоголь өнімдерін өндірушілер тарапынан болған ірі оқиғаларды қоса алғанда, бірқатар елеулі бұзушылықтар тіркелді, деп хабарлайды inbusiness.kz ҚР Қаржы министрлігінің Мемлекеттік кірістер комитетіне сілтеме жасай отырып.

Мемлекеттік кірістер комитеті хабарлағандай, алдын ала деректер бойынша 3 миллиард теңгеден астам сомаға акциздер төлеуден жалтарған алкоголь өнімін өндірушінің жағдайы аса ірі істердің бірі болды. Қазіргі уақытта салықтық тексеру жүргізілуде, оның барысында бұзушы залалды толық көлемде өтеуге міндетті болады.

Тақырып бойынша сілтемелер27 НаурызҚазақстанда діни алаяқтар күшейе түсті

Сондай ақ көлеңкелі нарыққа қарсы күрес бойынша өткізілген іс шаралар барысында мемлекеттік кіріс органдары заңсыз акцизделетін өнімді анықтады:

Алкоголь: 2 462 тексеруде 1,9 миллион литрден астам заңсыз алкоголь анықталды, бұл 2023 жылмен салыстырғанда үш есе көп.

Темекі өнімдері: тексеру нәтижесінде заңсыз сауданың 116 жағдайы тіркелді, 16,6 миллион пакет контрафактілік темекі тәркіленді, бұл өткен жылмен салыстырғанда 17% - ға өсті.

Мұнай өнімдері: отынды көлеңкелі сатудың 480 жағдайы анықталды, жалпы сомасы 7,9 миллиард теңгеге 34,5 мың тонна мұнай өнімдері тәркіленді, сот органдары заңсыз қызметтен алынған 591,4 миллион теңге кірісті тәркіледі, сондай-ақ 25,3 миллион теңге сомаға айыппұл салды.