Қазақстанда тағы 8 креативті индустрия орталығы ашылады

Бұл туралы ҚР Премьер-министрі Олжас Бектенов Сенат депутаттарының сауал салуына берген жауабында мәлімдеді.

"Қазіргі уақытта елімізде креативті индустрияның 12 орталығы жұмыс істейді. Жыл соңына дейін Алматыда, Ақмола, Батыс Қазақстан, Жамбыл, Жетісу, Қарағанды, Қостанай және Павлодар облыстарында тағы 8 орталық ашу жоспарлануда",-делінген депозит жауабында.

Премьер-министр атап өткендей, 2025 жылғы 10 қаңтарда президент креативті индустрияларды қолдау мен дамытуға бағытталған түзетулер енгізу туралы Заңға қол қойды. Заң шеңберінде уәкілетті және жергілікті атқарушы органдардың өкілеттіктері кеңейтілді. Үкімет креативті индустрияларды дамыту қорын осы саланы дамытуға жәрдемдесетін заңды тұлға ретінде айқындайды. Қор қызметінің негізгі бағыттарының бірі креативті индустрияларда венчурлік инвестицияларды дамыту болады. "Астана" халықаралық қаржы орталығының базасында басқарушы компаниялардың пулын тарта отырып, венчурлік бөлімше құрылатын болады.

"Креативті кәсіпкерлерді қолдау шараларының кешені аясында 2024 жылдың ақпан айынан бастап бөлшек салықтың арнайы салық режимі қолданыста. Осы жүйе енгізілгеннен кейінгі бірінші жыл ішінде креативті индустрия субъектілерінің саны 15% - ға (6033 субъектіге дейін) өсті, ал осы салада жұмыспен қамтылғандар саны 2000 адамға (+15%) өсті.Бұдан басқа, Global Innovation Index 2024 (Жаһандық инновациялық индекс) нәтижелеріне сәйкес, Қазақстан "креативті тауарлар мен қызметтер" көрсеткіші бойынша 93-ші орыннан 65-ші орынға және "Ұлттық фильмдер өндірісі" көрсеткіші бойынша 60-шы орыннан 31-ші орынға көтерілді, — деп қосты Олжас Бектенов.