Қазақстанда тағы бір жеңілдікті лизинг бағдарламасы қайта жанданды

"ҚазАгроҚаржы" АҚ "Қазақстанда жасалған"отандық өндірістің техникасы мен көлік құралдарын сатып алу үшін жеңілдікті бағдарлама бойынша өтінімдерді қабылдай бастады.

Ауыл шаруашылығы министрлігінің хабарлауынша, 2024 жылы бағдарлама бойынша аграршылар 10,5 млрд теңге сомаға 336 бірлік техниканы лизингке алған. Тракторлар мен комбайндар ең көп сұранысқа ие болды. Жалпы, бағдарлама қолданысқа енгізілген сәттен бастап агробизнесмендер екі мыңнан астам ауыл шаруашылығы техникасын сатып алды.

2025 жылы "ҚазАгроҚаржы" АҚ "Қазақстанда жасалған"шарттарын өзгеріссіз қалдырды.

"Отандық өндірісті қолдау мақсатында аграрларға жеңілдікті шарттармен отандық өндірістің/құрастырудың ауыл шаруашылығы техникасы мен көлік құралдары қолжетімді: қаржыландыру мерзімі –10 жылға дейін (басқа бағдарламаларда 7 жылға қарсы), жеңілдікті пайыздық мөлшерлеме 6%, аванс – 15% - дан. Оның ішінде бірінші лизингтік төлем субсидиялар есебінен төленуі мүмкін", - делінген хабарламада.

Айта кету керек, ағымдағы жылы "жеңілдікті лизинг"бағдарламасы жұмыс істейді. Аграршылар 2025 жылғы 1 желтоқсанға дейін алғашқы лизингтік төлемді кейінге қалдыру мүмкіндігімен жылдық 5% мөлшерлемемен, 7 жылдан аспайтын мерзімге ауыл шаруашылығы техникасын сатып ала алады. Бұл бағдарлама бойынша 200 млрд теңге бөлінді.