142 жолаушы әуе рейстеріндегі бұзушылықтар үшін жауапқа тартылды

Жыл басынан бері полиция қызметкерлері авиарейстер бортында жасалған түрлі бұзушылықтар үшін 142 құқық бұзушыны жауапқа тартты.

Ең көп таралғандардың қатарына: алкогольдік ішімдіктерді ішудің 82 фактісі және қоғамдық орындарда мас күйінде пайда болуы, ұшақ бортында темекі шегудің 40 фактісі, ұсақ бұзақылықтың 12 фактісі және әуе кемесіндегі басқа да тәртіп бұзушылықтар жатады.

Соңғы оқиғалардың бірі Ақтөбе қаласының 24 жастағы тұрғынына қатысты оқиға болды. Алматы — Ақтөбе рейсінің Ақтөбе қаласының әуежайына ұшуы бойынша желілік полиция бөлімшесінің қызметкерлері ұшақтың дәретханасында электронды темекі шегетін қылмыскерді ұстады.

Құқық бұзушыға қатысты әуе кемесінің бортында темекі өнімдерін тұтыну фактісі бойынша әкімшілік хаттама жасалды және 50 АЕК мөлшерінде айыппұл салынды.

Көлік полициясы департаменті ұшақ бортында темекі шегу қауіпсіздікке үлкен қауіп төндіретінін еске салады. Темекінің ұшқыны жанғыш материалдардың тұтануына әкелуі мүмкін, ал түтін жолаушыларға да, экипажға да зиянды.