Парламент Қазақстанның жаңа Су кодексін қабылдады

Депутат Павел Казанцев Су кодексі Мемлекет басшысының 2022 жылғы 8 ақпандағы Үкіметтің кеңейтілген отырысында берілген тапсырмасына сәйкес климаттың өзгеруі мен көрші мемлекеттердің саясатын ескере отырып, су заңнамасын жетілдіру мақсатында әзірленгенін еске салды.

"Су кодексінің нормалары су қорын қорғау және пайдалану саласындағы қатынастарды реттеуге, оның ішінде су ресурстарын қорғаудың оларды пайдаланудағы басымдығы призмасы арқылы су шаруашылығы және гидротехникалық құрылыстардың қауіпсіздігін қамтамасыз етуге және болашақта болжанатын су тапшылығы аясында экономиканың барлық салаларында су үнемдеу қағидатын енгізуге бағытталған", – деп атап өтті мәжілісмен.

Бұл ретте, оның айтуынша, Парламент Сенаты енгізген өзгерістер мен толықтырулар редакциялық-нақтылау сипатында болады және Кодекстің нормалары мен тұжырымдамалық ережелерінің құқықтық мазмұнын өзгертпейді.

Депутаттар сонымен бірге "су қорын қорғау және пайдалану мәселелері бойынша кейбір заңнамалық актілерге өзгерістер мен толықтырулар енгізу туралы"ілеспе заңға сенаторлардың түзетулерімен келісті.

Заң азаматтық, Жер, Орман, Кәсіпкерлік және экологиялық кодекстерге, сондай-ақ қоғамдық қатынастардың әртүрлі аспектілерін реттейтін 13 заңға өзгерістер мен толықтырулар енгізуді көздейді.

"Парламент Сенаты заңның нормалары мен тұжырымдамалық ережелерінің құқықтық мазмұнын өзгертпейтін редакциялық-нақтылау сипатындағы бір өзгеріс енгізді. Жоғарыда айтылғандарды ескере отырып, аграрлық мәселелер жөніндегі Комитет Қазақстан Республикасы Парламентінің Сенаты ұсынған "су қорын қорғау және пайдалану мәселелері бойынша кейбір заңнамалық актілерге өзгерістер мен толықтырулар енгізу туралы" Қазақстан Республикасы Заңының жекелеген бабының редакциясымен келісуді ұсынады", – деп оқыды Павел Казанцев.