Қазақстанда зейнетақы төлемдерін ЖТС-тан босату қашан қарастырылады

Фото ©️ Tengrinews.kz / Тұрар Қазанғапов

26 Наурыз, 202515:35

Tengrinews

Ұлттық экономика министрлігінде қазақстандықтар алатын зейнетақы төлемдерін жеке табыс салығынан босату мүмкіндігі туралы түсініктеме берілді, деп хабарлайды корреспондент Tengrinews.kz.

Ведомство қазіргі уақытта еліміздің Салық кодексіне сәйкес Бірыңғай жинақтаушы зейнетақы қорынан төленетін зейнетақы төлемдері төлем көзінен жеке табыс салығы салынатын табысқа жататынын еске салды.

Тақырып бойынша сілтемелер26 НаурызҚазақстанда экотуризм бойынша ұлттық стандарт әзірленді

"Мәселенің әлеуметтік маңыздылығын, сондай-ақ шегерімдер мен жеңілдіктер жөніндегі халықаралық тәжірибені ескере отырып, жаңа Салық кодексінің жобасын әзірлеу жөніндегі жұмыс шеңберінде БЖЗҚ-дан ЖТС зейнетақы төлемдерін төлеуден босату ұсынылады. Бұл ретте жаңа Салық кодексінің жобасын қабылдау 2026 жылға ауыстырылды", - деп хабарлады министрлік редакцияның сұрауына жауап ретінде Tengrinews.kz.

Бұл ретте, жауапта айтылғандай, осы түзетулер қолданысқа енгізілгенге дейін зейнетақы жинақтарын төлеу кезінде ЖТС ұстау тәртібі қолданыстағы заңнамаға сәйкес жүзеге асырылады.

"Қазіргі уақытта жаңа Салық кодексінің жобасы ҚР Парламенті Мәжілісінің қарауында және талқылаулар жүріп жатыр, оған уәкілетті мемлекеттік органдардың өкілдері де қатысады. Бұл ретте, заңнама нормаларына сәйкес заңнамаға енгізілетін өзгерістер белгілі бір заңдар күшіне енгеннен кейін туындаған құқықтық қатынастарға қолданылады", - деп атап өтті Ұлттық экономика министрлігі.