Тағы бір елде қазақстандықтар үшін визасыз режим күшіне енді

Фото Informburo.kz

19 Наурыз, 202517:50 InformBURO

Қазақстан мен Марокко арасындағы визалық талаптардан өзара босату туралы келісім 19 наурызда күшіне енді, деп хабарлайды Informburo.kz, Сыртқы істер министрлігінің баспасөз қызметіне сілтеме жасай отырып.

Тақырып бойынша сілтемелерКеше, 20:38Қазақстанда өңірдегі ең ірі гипер масштабталатын деректерді өңдеу орталығы пайда болады

Енді ұлттық паспорттары бар екі елдің азаматтары бір-бірінің аумағына әр алты ай ішінде 30 күнтізбелік күнге дейін визасыз бара алады. Визасыз режим еңбек қызметіне, оқуға және тұрақты тұруға қолданылмайды.

Сонымен қатар, Черногория билігі Қазақстан азаматтары үшін визасыз режимді 2025 жылғы 31 желтоқсанға дейін ұзартты. Оман Сұлтандығының Сыртқы істер министрлігі Ұлттық паспорттары бар Қазақстан азаматтары үшін визасыз режимді ұзарту туралы жариялады. Енді ҚР азаматтары Оман аумағында 30 күнге дейін бола алады-бұған дейін бұл мерзім 14 күн болған.