ЖЭО және су құбыры желілерін жөндеу: Шахтинск инфрақұрылымды жаңартуды жалғастыруда

Жылыту маусымы туралы айта келе, Шахтинск әкімі Биыл Шахтинск ЖЭО мен Шахан кентінің қазандығының тұрақты жұмысы қамтамасыз етілгенін атап өтті. Өткен жылы 4,1 шақырым жылу желілері ауыстырылып, жылу желілерінің оқшаулауы қалпына келтірілді. Шахтинск ЖЭО және Шахан кентінің қазандығы бойынша негізгі және қосалқы жабдықтарды жөндеу толық жүргізілді.

"Нәтижесінде жылу желілерінің тозу үлесі соңғы үш жылда 6,3% – ға, негізгі жабдық бойынша 5,3% - ға төмендеді. Сондай-ақ, жылу желілерінің тозуын азайту үшін қазір Молодежная көшесінің магистральдық құбырын қайта жаңарту бойынша жобалық – сметалық құжаттама әзірлену үстінде - жалпы ұзындығы шамамен 5 шақырым", - деп бөлісті Мұрат Қыдырғанбеков.

Бұдан басқа, Шахтинск ЖЭО мен Шахан кентінің қазандығын жөндеу бойынша 2025 жылға арналған жұмыс жоспары толық қалыптасты. Қазір мердігерлерді анықтау және қажетті материалдарды сатып алу бойынша конкурстық рәсімдер жүргізілуде. Нәтижесінде жылу желілерінің тозу пайызы 4% - ға төмендеп, 57,7% - 5 құрауы тиіс, ал негізгі жабдықтың тозу пайызы 3,9% - ға төмендеп, 67,3% -. құрайды.

Қалада жалпы ұзындығы 49,4 шақырым болатын "Шахтинск қаласының үшінші кезегі, су құбыры желілерін қайта жаңарту" жобасы жалғасуда, деп қосты Мұрат Қыдырғанбеков, 31 шақырым желі салынды. Жұмыстарды аяқтау қорытындысы бойынша қаланың су құбыры желілерінің тозуы 61% - дан 28% - ға дейін төмендейді.

"Ағымдағы жылы Новодолинский кентінде су құбыры желілерінің құрылысын бастаймыз: оны 2026 жылдың соңына дейін аяқтауды жоспарлап отырмыз. Кәріз желілерінің тозуын азайту үшін "Шахтинск қаласының кәріз коллекторларының құрылысы"жобасы бойынша сараптаманың оң қорытындысы әзірленіп, алынды. Бұдан басқа, қазір тағы екі жоба бойынша жобалық-сметалық құжаттама әзірленуде: бірі Шахан кентінде кәріз тазарту құрылыстарын салуға қатысты, екіншісі – Шахтинск қаласындағы кәріз тазарту құрылыстарын реконструкциялауға қатысты", - деді Мұрат Қыдырғанбеков.