Қазақстандағы жиынтық зейнетақының орташа мөлшері аталды

Сурет: gov.kz

19 Наурыз, 202518:15 inbusiness.kz

Ағымдағы жылдың қаңтар-ақпан айлары қорытындыланды. 2025 жылдың 1 наурызында Қазақстанда 2,455 млн зейнеткер болды. Ағымдағы жылдың алғашқы екі айында оларға республикалық бюджеттен жалпы сомасы 694,7 млрд теңгеге зейнетақы төленді, оның ішінде базалық зейнетақының үлесі – 224,5 млрд теңгені, ал ортақ зейнетақының үлесі – 470,2 млрд теңгені құрады, деп хабарлайды inbusiness.kz ҚР Еңбек және халықты әлеуметтік қорғау министрлігіне сілтеме жасай отырып.

"2025 жылғы 1 наурыздағы жағдай бойынша жиынтық зейнетақының орташа мөлшері 143 800 теңгені құрады, оның ішінде ынтымақты зейнетақы мөлшері – 96 117 теңге, базалық зейнетақы – 47 683 теңге", - делінген Еңбек және халықты әлеуметтік қорғау министрлігінің хабарламасында.

Тақырып бойынша сілтемелер18 НаурызСингапурды басып озды: Қазақстанның зейнетақы жүйесі үздік 30-ға кірді

2025 жылғы 1 қаңтардан бастап Қазақстанда базалық зейнетақы төлемінің мөлшері ҚР Ұлттық Банкі айқындайтын инфляцияның болжамды деңгейіне сәйкес – 6,5% - ға, ал ынтымақты зейнетақы-8,5% - ға, яғни инфляция деңгейінен 2% - ға озып ұлғайды.

"Бұдан басқа, Мемлекет басшысының тапсырмасы бойынша 2023 жылдан бастап бес жыл ішінде ең төменгі базалық зейнетақыны ең төменгі күнкөріс деңгейінің 70% – на дейін, ең жоғары - 120% - ға дейін жыл сайын кезең-кезеңімен арттыру жүзеге асырылуда", - деп толықтырды ведомствода.

Министрліктің мәліметінше, 2025 жылғы 1 қаңтардан бастап базалық зейнетақының ең төменгі мөлшері ең төменгі күнкөріс деңгейінен 65% – дан 70% - ға дейін ұлғайтылды, бұл 32 360 теңгені құрайды, ең жоғары мөлшері-ең төменгі күнкөріс деңгейінен 105% - дан 110% - ға дейін, бұл 50 851 теңгені құрайды.