Қазақстанда өңірдегі ең ірі гипер масштабталатын деректерді өңдеу орталығы пайда болады

Инвестормен келісім туралы тиісті Қаулыға Премьер-Министр Олжас Бектенов қол қойды.

Атап айтқанда, құжат Ақмола және Қарағанды облыстарында жиынтық ат-қуаты 200 МВт болатын екі ДӨО салу және пайдалану үшін 690 млрд теңге сомасында инвестициялық салымдарды көздейді.

Үкімет цифрлық даму, инновациялар және аэроғарыш өнеркәсібі министрлігі атынан жобаны іске асыруға белсенді қатысады, оның мемлекеттік цифрлық экожүйеге интеграциялануын қамтамасыз етеді, сондай-ақ бұлтты технологиялар мен жоғары өнімді есептеулерді (HPC) дамыту үшін нормативтік жағдайларды қалыптастырады. Мұндай орталықтарды құру Қазақстанға Microsoft, Google және Amazon сияқты халықаралық технологиялық алпауыттарды, сондай-ақ үлкен деректермен және машиналық оқытумен жұмыс істейтін компанияларды тартуға мүмкіндік береді.

Жоба жоғары ақы төленетін жұмыс орындарын құру және технологиялық тәуелсіздікті қамтамасыз ету арқылы цифрлық экономиканы дамытудың драйвері болады. Қазақстан IT-қызметтер экспортын едәуір ұлғайтады, халықаралық нарықтарда жергілікті IT-компаниялардың қатысуын кеңейтеді және жаһандық цифрлық экожүйелердегі өз рөлін күшейтеді деп күтілуде.

Осылайша, ДБО іске қосылуы елдің Орталық Азияның цифрлық хабы ретіндегі ұстанымын нығайтады және IT-қызметтер экспортының өсуіне жағдай жасайды. Бірінші кезекті іске қосу 2027 жылға, ДҚБО — ны толық орналастыру 2030 жылға жоспарланған.