Қазақстандықтар қоңырау шалу арқылы кредиттерден бас тарта алады

Сурет: Polisia.kz

19 Наурыз, 202519:34

«Казинформ»

Енді қазақстандықтар 1414 Бірыңғай байланыс орталығы арқылы банктік қарыздар мен микрокредиттерді ресімдеуге өз еркімен тыйым сала алады, деп хабарлайды kazinform агенттігінің тілшісі.

Азаматтарымыздың өтініші бойынша біз қарыздар мен несиелерден бас тарту бойынша 1414 баламалы сервисті іске асырдық. Қазір жүйе сынақтан өтуде. Қызметті алудың басты шарты-мобильді азаматтар базасында тіркелу, - деді "Азаматтарға арналған үкімет "МК" КЕАҚ Басқарма төрағасының орынбасары Айбат Ілиясов.

Тақырып бойынша сілтемелерКеше, 18:32Қазақстандықтар алтынға жаңа ыңғайлы тәсілмен инвестиция сала алады

Қарыз қаражатын беруді бұғаттау үшін:

- Мобильді азаматтар базасында тіркелген мобильді құрылғыдан 1414 нөмірін теру.

- Қарым-қатынас тілін (қазақ немесе орыс) таңдағаннан кейін өтініштің мақсатын нақтылау. Сұранысты дәл тану үшін "қарыздан бас тарту", "несиелер тыйым салу", "несиелер бас тарту өтінім", "несиелер онлайн жабу" және т.б. сөз тіркестерін пайдалану ұсынылады.

- Кредиттерді ресімдеуге тыйым салу.

- Расталғаннан кейін ЖСН енгізу және SMS-код арқылы әрекетті растау қажет.

Осы қадамдарды орындағаннан кейін өтініш берушінің атына қарыздарды рәсімдеу мүмкін болмайды.

Қажет болса, сіз осындай жолмен шектеуді алып тастай аласыз — 1414 нөміріне қоңырау шалыңыз. Қызмет тәулік бойы қол жетімді, қоңыраулар тегін.