Көлік салығы-2025: қазақстандықтардың ең өзекті мәселелері

Сурет: pixabay.com

19 Наурыз, 202513:03 inbusiness.kz

Оларға жауаптарды мамандар дайындады. Қазақстандықтардың көлік салығы бойынша ең танымал сұрақтарына жауаптарды Маңғыстау облысы бойынша Мемлекеттік кірістер департаментінің қызметкерлері дайындады, деп хабарлайды ҚазАқпарат inbusiness.kz ведомствоға сілтеме жасай отырып.

Жеке тұлғалар үшін 2024 жылға арналған көлік салығының мерзімі қашан аяқталады?

Тақырып бойынша сілтемелер18 НаурызҚазақстанда автомобильдердің белгілі бір түрінің қозғалысына тыйым салынады

Жеке тұлғалардың көлік құралдарына салынатын салықты 2024 жылға төлеу мерзімі 2025 жылғы 1 сәуірде аяқталады.

2024 жылғы салықты есептеу кезінде айлық есептік көрсеткіштің Қандай мөлшері қолданылады?

2024 жылғы салықты есептеу кезінде 2024 жылы қолданыста болған 3 692 теңге мөлшерінде айлық есептік көрсеткіш (АЕК) қолданылады.

Жеңіл автомобильдерге салынатын көлік салығы қалай есептеледі?

Салық автомобиль қозғалтқышының көлемі мен АЕК негізінде есептеледі. Қозғалтқыштың көлемі неғұрлым көп болса, салық соғұрлым жоғары болады. Қозғалтқыш көлемі 1 500 см3-тен асатын автомобильдер үшін базалық мөлшерлемеге әрбір қосымша текше сантиметр үшін 7 теңгеден қосылады.

Егер сіз көлік салығын төлемесеңіз не болады?

1 сәуірден бастап салықты кешіктіргені үшін өсімпұл есептеледі. Борышкердің хабарламадан кейін төлеуге 30 жұмыс күні бар. 1 АЕК-тен жоғары берешек кезінде салық бұйрығы шығарылады. Егер қарыз өтелмесе, сот орындаушылары шоттар мен мүлікке тыйым сала алады.

Көлік құралдарына салынатын салық сомасын қалай білуге болады?

Көлік құралдарына салынатын салық сомасын web-порталдағы калькулятордың көмегімен дербес есептеуге болады kgd.gov.kz және "e-Salyq Azamat"мобильді қосымшасында.

Автокөлікті сенімхат бойынша сату кезінде салықты кім төлейді: меншік иесі немесе сенімді тұлға?

Көлік құралын басқа адам сенімхат бойынша пайдаланса да, салық көлік құралының иесіне есептеледі.

Көлік салығын кім төлеуге міндетті?

Салық кодексінің 490-бабының 1-тармағына сәйкес меншік құқығында салық салу объектілері бар жеке тұлғалар көлік құралдарына салық төлеушілер болып табылады.

Қандай жеке тұлғалар көлік салығынан босатылады?

- ҰОС ардагерлері, КСРО және ҚР батырлары;
- "Батыр Ана" атағына ие болған немесе "Алтын алқа", "Күміс алқа"алқаларымен марапатталған көп балалы аналар;
- мүгедектігі бар адамдар.

Бұл азаматтар оларға тіркелген бір көлік құралына салық төлемеуі мүмкін. Егер бірнеше көлік болса, қалғандары үшін салық төлеу керек.