Транскаспий дәлізі: Қазақстан жүк тасымалын 10 млн тоннаға арттырады

Фото: Александр Павский / Kazinform

23 Наурыз, 202514:03

«Казинформ»

Өткен жылы Транскаспий халықаралық көлік дәлізі арқылы 4,5 млн тонна жүк тасымалданды, деп хабарлайды kazinform тілшісі.

"Күн тәртібінде екі ел үшін де, бүкіл аймақ үшін де стратегиялық маңызды жобалар бар. Біз Транскаспий халықаралық көлік дәлізін дамытуға айтарлықтай күш саламыз. Өткен жылы дәліз арқылы тасымалдау көлемі 4,5 миллион тоннаға (+62%) дейін ұлғайды. Болашақта тасымалдау көлемін 10 миллион тоннаға дейін арттыруды жоспарлап отырмыз",-деді Қазақстан Премьер-Министрінің орынбасары, Сыртқы істер министрі Мұрат Нұртілеу БАҚ өкілдерімен кездесу барысында.

Тақырып бойынша сілтемелер23 НаурызҚазақстанда оқушылар Наурыз мерекесіне орай күйлер орындайды

Министр бұл процесте "Middle Corridor Multimodal Ltd" бірлескен Қазақстан-Әзірбайжан кәсіпорны маңызды рөл атқаратынын атап өтті.

"Қазақстан үшін заманауи цифрлық дәлізді құрудағы негізгі қадам талшықты-оптикалық байланыс болып табылады. Біз осы жобаны іске асыру үшін белсенді ынтымақтасуға дайынбыз. Каспий теңізінің түбіне терең суасты электр кабелін салу жөніндегі бастаманың әлеуеті зор және біз бұл жұмысты белсендіруге әрқашан дайынбыз", — деп атап өтті Мұрат Нұртлеу.

Айта кету керек, бүгін Қазақстан астанасына Әзірбайжанның Сыртқы істер министрі Джейхун Байрамов ресми сапармен келді.

Сапар аясында Әзербайжан СІМ басшысы Қазақстан Премьер-Министрінің орынбасары, Сыртқы істер министрі Мұрат Нұртілеумен шағын және кеңейтілген келіссөздер форматында келіссөздер жүргізді.