Қазақстанда пауэрбанктерді тасымалдау ережелері қатаңдатылуда

"2025 жылғы 13 наурыздан бастап Air Astana компаниялар тобы ұшу қауіпсіздігін арттыру мақсатында литий батареялары мен оларды қамтитын құрылғылардың тасымалдануын бақылау шараларын күшейтуде. Қолданыстағы саясат пен ережелерге сәйкес, қосалқы батареяларға, соның ішінде сыртқы батареяларға (қуат банктеріне) және электронды темекі шегуге арналған құрылғыларға тек қол жүгімен тасымалдауға рұқсат етіледі. Егер қол жүгін багажға тапсыру керек болса, жолаушы одан барлық қосалқы батареяларды алдын ала алып тастауы керек", – делінген хабарламада.

Ережелерге сәйкес батареялардың сыйымдылығы 100 Вт-тан аспауы керек. 100-ден 160 Вт-қа дейінгі батареяларды тасымалдауға авиакомпанияның алдын ала мақұлдауымен ғана рұқсат етіледі, бұл ретте олардың саны бір жолаушыға екіден аспауға тиіс. Сыйымдылығы 160 Вт-тан жоғары батареяларды тасымалдауға тыйым салынады. Батареялардың сыйымдылығы тексеруге жатады, ал оларды таңбалаусыз немесе тиісті сертификатсыз тасымалдауға жол берілмейді.

"Ұшу қауіпсіздігі үшін литий батареялары, сыртқы батареялар және темекі шегуге арналған электронды құрылғылар қол жүгінде болуы және ұшақ салонындағы багаж сөрелеріне орналастырылуы керек. Басқа құрылғыларды зарядтау үшін батареяларды пайдалануға, сондай – ақ борттағы батареяларды зарядтауға қатаң тыйым салынады", - деп қосты авиакомпаниялар.

Air Astana және FlyArystan жолаушыларға саяхат кезінде қолайсыздықты болдырмау үшін тасымалдау ережелерімен (Air Astana, FlyArystan) алдын ала танысуға кеңес береді.