Ауыл шаруашылығы министрлігі акваөсіру мониторингін жүргізетін болады

"Біз дайындаған заң жобалары аквамәдениетті дамыту саласындағы қатынастарды, сондай — ақ шағын және орта бизнес субъектілері үшін инвестициялық тартымдылық жағдайларын реттейтін құқықтық тетіктер жасайды", - деп хабарлады депутат Сергей Пономарев.

Оның айтуынша, депутаттар су айдынын бекітуге арналған конкурсқа қатысу үшін міндетті кепілдік жарна енгізу, аквамәдениеттің жосықсыз субъектілерінің тізілімін енгізу және оған түскен адамдар үшін бес жыл ішінде су айдынын алуға тыйым салу сияқты түзетулер енгізген.

Заң жобасы сондай-ақ аквамәдениет субъектілеріне және аквамәдениеттің дамуын қамтамасыз ететін субъектілерге субсидия алудан бас тарту үшін негіздерді, сондай-ақ аквамәдениетті субсидиялау шеңберінде алынған қаражатты қайтару жөніндегі талаптар мен мерзімдерді енгізуді көздейді.

Заң шеңберінде ауыл шаруашылығы министрлігіне аквамәдениеттің даму жағдайын бағалауды жүргізу, ақпараттық жүйені және аквамәдениет субъектілерінің тізілімін жүргізу қағидаларын бекіту өкілеттігі берілді.

Бұдан басқа, бейінді ведомство көл-тауар және торлы шаруашылық қызметті жүзеге асыруға арналған шарттар талаптарының орындалуына және аквамәдениет субъектісінің даму жоспарына мониторинг жүргізуге міндетті.

"Аквамәдениет туралы" заңда және "Қазақстан Республикасының кейбір заңнамалық актілеріне аквамәдениет мәселелері бойынша өзгерістер мен толықтырулар енгізу туралы" ілеспе түзетулерде балық шаруашылығы субъектілерін балық және басқа да су жануарлары мониторингінің ақпараттық жүйесінде тіркеу көзделеді.

Ілеспе түзетулермен балық шаруашылығы саласындағы уәкілетті органның балықтар мен басқа да су жануарларының жаппай қырылу қаупін болғызбау, сондай-ақ қатып қалу салдарын жою үшін көмек көрсету тәртібін айқындау жөніндегі өкілеттіктері кеңейтіледі.

"Осы заң жобаларын қолдауды сұраймын, өйткені оларды қабылдау маңызды саланы тізеден көтеруге мүмкіндік береді, қазақстандықтарды өз өндірісінің пайдалы өнімімен қамтамасыз етеді, инвестициялар тартады және балық өнімдерінің экспортын ұлғайтады, жаңа жұмыс орындарын ашады және ең бастысы, балықтар қазақстандықтардың күнделікті үстелінде пайда болады", — деп қорытындылады Пономарев.