Қазақстандықтар Сьерра-Леонеге визасыз бара алады

Сурет: pixabay

22 Наурыз, 202509:00

Zakon.KZ

ҚР Үкіметінің 2025 жылғы 6 наурыздағы қаулысымен Қазақстан Үкіметі мен Сьерра-Леоне Үкіметі арасындағы дипломатиялық және қызметтік паспорттардың иелерін визалық талаптардан босату туралы келісім бекітілді, деп хабарлайды Zakon.kz.

Келісім Нью-Йоркте 2024 жылдың 26 қыркүйегінде жасалды.

Тақырып бойынша сілтемелер21 Наурыз2025 жылдың басынан бері қанша қазақстандық жұмысқа орналасқаны белгілі болды

Тараптардың бірі мемлекетінің азаматтары, жарамды дипломатиялық және қызметтік паспорттардың иелері бірінші келген күннен бастап 180 күнтізбелік күн ішінде жиынтық күнтізбелік 30 күннен аспайтын мерзімде екінші Тарап мемлекетінің аумағына бірнеше рет келуге, транзитпен жүруге, кетуге және визасыз болуға құқылы екендігі көзделеді.

Азаматтардың дипломатиялық және қызметтік паспорттарының қолданылу мерзімі екінші Тарап мемлекетінің аумағына кірген күннен бастап кемінде алты ай болуға тиіс.

Азаматтардың екінші Тарап мемлекетінің аумағы арқылы кіруі, транзиті және шығуы халықаралық қатынас үшін ашық екі мемлекеттің ресми өткізу пункттері арқылы жүзеге асырылады.

Қаулы қол қойылған күнінен бастап қолданысқа енгізіледі.