"Серпер" Республикалық ұлттық өнер байқауына өтінімдерді қабылдау жалғасуда

Ол алты номинация бойынша өткізіледі:" Домбыра"," Қобыз"," Прима-қобыз"," Шертер"," Жетіген","Сыбызғы".

Конкурс екі турдан тұрады: I тур (Іріктеу) — 2025 жылғы 26-28 наурыз аралығында онлайн-форматта; "Домбыра", "Қобыз", "Сыбызғы" номинациялары бойынша ІІ тур — 2025 жылғы 18 сәуір офлайн форматта; "Прима қобыз", "Шертер"номинациялары бойынша, "Жетіген" — 2025 жылғы 19 сәуір офлайн форматта.

Конкурсқа республикалық және халықаралық конкурстардың жеңімпаздарын, телевизиялық жобаларға қатысушыларды, сондай-ақ Қазақстан Республикасының Мәдениет және өнер саласында мамандандырылған оқу орындарының студенттерін қоса алғанда, 18 бен 35 жас аралығындағы орындаушылар қатыса алады. Екінші турға әр номинацияның 10-нан аспайтын қатысушысы өтеді.

Қазылар алқасы Қазақконцерт әртістерінен және Қазақстанның жетекші мәдениет және өнер қайраткерлерінен тұрады. Қатысушыларды орындаушылық шеберлік, сахналық образ және әртістік сияқты критерийлер бойынша бағалайтын болады.
Конкурсқа қатысуға өтінімдер 2025 жылғы 25 наурызға дейін қабылданады.

Байқау лауреаттарын марапаттау рәсімі 2025 жылдың 20 сәуірінде өтеді.

Қосымша ақпарат пен кеңес алу үшін мына телефондарға хабарласыңыз: +7-701-913-31-60, +7-747-787-13-86.

ҚР Мәдениет және ақпарат министрлігінің баспасөз қызметі.