Президент ҚР Бюджет кодексіне қол қойды

Фото: Ақорда

17 Наурыз, 202510:33

«Казинформ»

Мемлекет басшысы Қазақстан Республикасының Бюджет кодексіне қол қойды, деп хабарлайды Kazinform агенттігі Ақордаға сілтеме жасап.

Тақырып бойынша сілтемелер15 НаурызҚазақстанда банктер үшін жаңа ережелер енгізілді

Кодекстің новеллаларының бірінші блогы Мемлекеттік қаржы туралы ережелермен қамтамасыз етілген фискалдық, ақша-несие және фискалдық саясатты байланыстыруға бағытталған.

Новеллалардың екінші блогы Мемлекеттік органдардың дербестігі мен жауапкершілігін арттыра отырып, бюджет процесін оңтайландырады. Бюджеттік процестің мерзімдері мен кезеңдері қысқартылды, бюджеттік бағдарламалар әкімшілерінің өкілеттіктері мен жауапкершілігі едәуір кеңейтіле отырып, блоктық бюджет элементтері енгізілді.

Мемлекеттік органдарға қаражатты бюджеттік бағдарлама шығыстары көлемінің 15% көлемінде дербес қайта бөлу құқығы берілді. Ағымдағы жылы пайдаланылмаған бюджет қаражатын мемлекеттік органдар келесі жылдың қаңтарынан бастап толық пайдалана алады, бұл шығыстарды үздіксіз қаржыландыруды қамтамасыз етеді.

Новеллалардың үшінші блогы парламенттік бақылауды күшейтуге бағытталған. Мемлекеттік кепілдіктер, мемлекет кепілгерліктерін беру лимиттерін, үкіметтік борыш пен жергілікті атқарушы органдар борышының лимиттерін, квазимемлекеттік сектор субъектілерінің сыртқы борышының лимиттерін Парламент қарайтын және бюджет туралы заңмен бекітілетін болады.

Төртінші блок бюджеттің кіріс бөлігін жоспарлау сапасын арттыруға және бюджет ақшасын тиімді пайдалану жөнінде пәрменді шаралар қабылдауға бағытталған. Кодексте квазимемлекеттік сектор субъектілеріне қатысты мемлекеттің дивидендтік саясатының негізгі ережелері белгіленген.

Бесінші блок Ұлттық қорды оның жинақ функциясына баса назар аудара отырып пайдалану шарттарын бекітті. Ұлттық қорды пайдалану Президент бекіткен мақсатты бағдарлармен шектеледі. Қор қаражатын ішкі қаржы құралдарына орналастыруға тыйым салынды, бұл олардың бюджеттен тыс пайдаланылуын болдырмайды. Ұлттық қордан берілетін нысаналы трансферт тек ұлттық маңызы бар аса маңызды объектілер мен жобаларды қаржыландыруға ғана пайдаланылуы мүмкін, тиісті критерийлер енгізілді.

Алтыншы блок квазимемлекеттік сектор субъектілерінің борышын қоса алғанда, мемлекеттің борыштық саясатына бақылауды кеңейтуге бағытталған. Уәкілетті органдар мемлекеттік сектордың борыштық міндеттемелерін болжауды, мониторингтеуді және бағалауды жүзеге асыратын болады. Квазимемлекеттік сектордың сыртқы борыш лимиті республикалық бюджет туралы заңда белгіленетін болады.

Түзетулердің жетінші блогы бюджетаралық қатынастарды жетілдіруге бағытталған. Азаматтарды бюджет қаражатын бөлу процесіне белсенді тарту үшін халықтың қатысуы бюджетінің негізі заңнамалық түрде бекітілген.

Бюджет кодексінің мәтіні баспасөзде жарияланады.