ҚР өңірлерінде озық тәжірибенің ғылыми-білім беру орталықтары құрылады

Фото: Солтан Жексенбеков / Kazinform

16 Наурыз, 202512:02

«Казинформ»

Үкімет отырысында ғылым және жоғары білім министрі Саясат Нұрбек ғылыми инфрақұрылымды нығайту бойынша жұмыстар жүргізіліп жатқанын хабарлады, деп хабарлайды kazinform агенттігінің тілшісі.

Оның айтуынша, ЖОО базасында технопарктер мен заманауи зертханалармен инжинирингтік орталықтар құру бойынша кәсіпорындармен серіктестікте арнайы ғылыми бағдарламаларды қаржыландыруға конкурстар жарияланды.

Тақырып бойынша сілтемелерКеше, 11:33Қазақстанда жеке сот орындаушысының қызметі қанша тұрады

"Алғашқы төрт бағдарлама 2023 жылы ірі ұлттық университеттерде іске қосылды. Нәтижесінде 10 зертхана, 5 спин-офф шеберханасы және 3 стартап ашылды. 468 млн теңге сомасына жеке ұйымдармен 14 шарт жасалды,788,9 млн теңге көлемінде жеке қоса қаржыландыру тартылды", - деді министр.

Ол сондай-ақ 2024 жылдан бастап өңірлік университет инфрақұрылымын дамытуға басымдық берілетінін атап өтті.

"2024-2026 жылдары өңірлерде озық тәжірибенің ғылыми-білім беру орталықтарын құру бойынша бес бағдарлама іске қосылды. Барлығы 17 бағдарламаны енгізу жоспарлануда. Негізгі міндет-ғылыми әзірлемелерді дайындау, сынақтан өткізу, ғылымды қажетсінетін өнімді сертификаттау үшін инфрақұрылым құру, сондай-ақ кәсіпорындарда инновациялық жобаларды дамыту үшін жағдайлар жасау. Осыған байланысты өнеркәсіп пен ғылымның ынтымақтастығы негізгі бағыттардың бірі болып табылады", — деп толықтырды Саясат Нұрбек.