Ғылым саласындағы электрондық мемлекеттік қызметтер бюджетті 100 млн теңгеден астам үнемдеді

Сурет: pixabay.com

15 Наурыз, 202518:04

«BaigeNews.kz»

Ғылым саласындағы қызметтерді цифрландыру бюджетке 150 млн теңге үнемдеді. Бұл туралы Үкімет отырысында Цифрлық даму, инновациялар және аэроғарыш өнеркәсібі министрі Жаслан Мәдиев мәлімдеді, деп хабарлайды BaigeNews.kz.

"Бұған дейін аккредиттеу туралы куәлік алу немесе сыйлықақы мен стипендияға өтінім беру үшін Үкіметтің Азаматтарға арналған аумақтық бөлімшелеріне не Министрліктің кеңсесіне жеке өзі жүгіну қажет болатын. Процесс көптеген құжаттармен бірге жүрді және мекемелердің жұмыс кестесіне байланысты болды. Енді өтініш беру онлайн режимінде жүзеге асырылады.

Тақырып бойынша сілтемелерКеше, 17:17Қазақстанда АИ саласындағы стартаптарды жедел дамыту бағдарламасы іске қосылады

Осының арқасында толық автоматтандыру кезінде өтінімдерді қарау мерзімі 15 күнге дейін қысқарды.

Біз сондай-ақ қағаз сертификаттары мен курьерлік қызметтерді толығымен алып тастадық. Бұл мемлекеттік бюджетті 150 млн теңгеге үнемдеуге мүмкіндік берді", - деді министр.

Сондай — ақ, цифр министрлігінің басшысы 2024 жылдың қорытындысы бойынша 15 мыңнан астам мемлекеттік қызмет көрсетілгенін, шамамен 95% - ы электрондық форматта көрсетілгенін атап өтті. Ғылымды цифрлық трансформациялау шеңберінде ең көп сұранысқа ие 19 бизнес-үдеріске реинжиниринг жүргізілді. Осының арқасында: ғылыми зерттеулерді қаржыландырумен; ғылыми және/немесе ғылыми-техникалық қызмет субъектілерін аккредиттеу туралы куәліктер берумен; ғалымдарды көтермелеумен, мысалы, ғылым саласындағы сыйлықтар мен стипендиялармен байланысты процестерді жетілдіруге қол жеткізілді.

Реинжиниринг нәтижесінде бизнес-процестердің тиімділігі 70% - ға өсті.