Қазақстанда тегін операцияларға кім құқылы

Фото: ҚР Денсаулық сақтау министрлігі

14 Наурыз, 202516:37

«Казинформ»

Хирургиялық араласулар Қазақстан азаматтарына, қандастарға және тұруға ықтиярхаты бар шетелдіктерге тегін медициналық көмектің кепілдік берілген көлемі (ТМККК) шеңберінде қолжетімді, деп хабарлайды Kazinform.

ТМККК шеңберінде тегін операциялар жүргізуге құқығы бар:

Тақырып бойынша сілтемелер12 НаурызҚарағанды облысында онкологиялық қызмет жаңа жабдықтармен толықтырылды

Қазақстан Республикасының Азаматтары.
Оралмандар.
Тұруға ықтиярхаты бар адамдар.

Бұл ретте көмек жоспарлы тәртіппен де, төтенше жағдайларда да көрсетіледі.

"Операциялар медициналық көрсетілімдер болған кезде жүргізіледі және жоспарлы және шұғыл араласуды қамтиды. Айтарлықтай қаржылық шығындарды талап ететін жоғары технологиялық операциялар азаматтардың аталған санаттары үшін де тегін қолжетімді екенін атап өту маңызды", —деп атап өтті Ұлттық денсаулық сақтауды дамыту ғылыми орталығының сарапшылары.

Медициналық көмек көрсетуден бас тартылған жағдайда немесе пациент медициналық көрсетілімдер бойынша жолдама ала алмаса, ол пациенттерді қолдау қызметіне жүгіне алады.

"Қазақстанда осындай мәселелерді шешумен айналысатын арнайы қызметтер жұмыс істейді. Егер мәселе емхана немесе емдеу мекемесі деңгейінде шешілмесе, пациенттер "Qoldau 24/7" мобильді қосымшасы, 1414 байланыс орталығына, Telegram-дағы Saqtandyru-bot-қа немесе ресми сайт арқылы жүгіне алады msqory.kz",-деп атап өтті Шымкенттегі ӘМСҚ филиалының баспасөз хатшысы Сәуле Алжанбаева.