Қазақстанда жойылу алдында тұрған жануарлардың саны өсуде

Фото: ҚР Экология және табиғи ресурстар министрлігі

14 Наурыз, 202515:33

«Казинформ»

Жануарлар дүниесін қорғау бойынша жүргізіліп жатқан жұмыстардың арқасында сирек кездесетін және Құрып кету қаупі төнген жануарлардың саны өсуде. Бұл туралы ҚР Экология және табиғи ресурстар министрлігі Орман шаруашылығы және жануарлар дүниесі комитетінің төрағасы Данияр Тұрғамбаев Орталық Коммуникациялар Қызметінің баспасөз конференциясында мәлімдеді, деп хабарлайды kazinform агенттігінің тілшісі.

"Қазіргі уақытта жойылып кету қаупі төнген жануарлардың динамикасы толығымен өзгеруде. Қазір елде жануарлардың 835 түрі бар, оның ішінде Қызыл кітапқа енгізілген 132 түрі жойылып кетуі мүмкін", - деді Д.Тұрғамбаев.

Тақырып бойынша сілтемелерКеше, 14:35Қызғалдақтарды жұлып алу қылмыстық жауапкершілікке тартылады – ҚР Экология министрлігі

Спикер Қазақстанда ерекше қорғалатын табиғи аумақтардың ауданы 30 миллион гектарға жақындағанын атап өтті. Осы аймақтарға кірмейтін жерлерде жануарлардың сақталуын "Охотзоопром"РМҚК 500-ге жуық қызметкері мұқият бақылауда ұстайды.

"2005 жылмен салыстырғанда қазір жойылып кету қаупі төнген жануарлар түрлерінің көбеюі байқалады. Мысалы, 2005 жылы құландар саны 1 212 басты құраса, өткен жылы 4 600-ден асты. Арқарлар 8 800 бас болды, бүгінде олардың саны 21 182 басқа жетті. Қарақұйрықтар 12 500, ал қазір 15 588 бас болды. Айта кету керек, ерекше қорғалатын табиғи аймақтардың ауданы жыл сайын артып келеді. Әлемде бұл жануарларды қорғаудың ең дұрыс жолы ретінде танылады. Сондықтан біз осы бағытта жұмысты жалғастырып жатырмыз", - деді Данияр Тұрғамбаев.