Қазақстан ЕАЭО дәрі-дәрмектерінің жалпы нарығы бойынша өтпелі кезеңнің аяқталуына дайындалуда

Фото: ©El.kz/Марина РУЗМАТОВА / ChatGPT

7 Наурыз, 202519:35 el.kz

2025 жылғы 31 желтоқсаннан бастап Еуразиялық экономикалық одақтың Бірыңғай талаптарына сәйкестікке өтініш беру міндетті болады, деп хабарлайды АА El.kz.

ЕЭК Техникалық реттеу және аккредиттеу департаментінің директоры Талғат Момышев 2025 жылдың соңына дейін дәрілік заттардың барлық тіркеу деректерін ЕАЭО бірыңғай талаптарына келтіру үшін өтпелі кезең аяқталатынын еске салды.

Тақырып бойынша сілтемелер6 НаурызҚазақстандықтар жедел жәрдем қызметіне балама арналар арқылы қоңырау шала алады

ЕАЭО елдерінде жұмыс істейтін барлық фармакомпанияларға сәйкестендіру рәсімі кезінде тіркеу деректеріне бір мезгілде өзгерістер енгізуге мүмкіндік берілді, бұл бейімделу процесін едәуір жеңілдетеді.

Сондай-ақ, 2025 жылы ЕАЭО фарминспектораттары 2021 жылы берген алғашқы GMP сертификаттары аяқталады. Осыған байланысты дәрі-дәрмек өндірушілеріне өнімді жалпы нарыққа жеткізудің үздіксіздігін қамтамасыз ету үшін алдын ала (6-9 ай бұрын) жоспарлы тексеруге өтініш беру ұсынылады.

2025 жылдың соңына дейін ұлттық тіркеу куәліктерінің қолданылуы және Ұлттық қағидалар бойынша дерекнамаға өзгерістер енгізу мүмкіндігі сақталады.

Комиссия дәрілік препараттарды тіркеу және зерттеу жүргізу қағидаларын өзектендіру жөніндегі жұмысты жалғастыруда. Жақын арада жоспарлануда:

-GLP инспекцияларының (зертханалық зерттеулердің) ережелерін қабылдау.
- Тиісті клиникалық тәжірибенің (GCP) редакциясын жаңарту.
- Дәрі-дәрмектерді тіркеу ережелерін және зерттеу жүргізу тәртібін нақтылау.

Бұл өзгерістер дәрілік заттардың сапасын бақылауды күшейтуге және ЕАЭО елдерінде пациенттердің қауіпсіздігін қамтамасыз етуге бағытталған.