Ғылым және жоғары білім министрлігінің функциялары Үкіметте қайта қаралды

Атап айтқанда, Ереже Министрліктің жаңа функцияларымен толықтырылды:

- білім беру саласындағы уәкілетті органмен келісу бойынша бастапқы білім беру капиталын есептеу, пайдалану, қайтару қағидаларын әзірлеу және бекіту;
- білім беру саласындағы уәкілетті органмен бірлесіп жыл сайын білім беру ұйымдарының түрлері бойынша оқытудың орташа құнының ұзақ мерзімді болжамдарын әзірлеу.

Сонымен қатар, бірқатар функциялар жаңа редакцияда көрсетілген:

- бірыңғай мемлекеттік саясатты қалыптастыру және іске асыру, жоғары және жоғары оқу орнынан кейінгі білім беру, ғылым және ғылыми-техникалық қызмет саласында, тілдерді дамыту саласында ғылыми және ғылыми-техникалық қызмет нәтижелерін коммерцияландыру саласында салааралық үйлестіруді жүзеге асыру, жоғары және жоғары оқу орнынан кейінгі білім және ғылым саласында, сондай-ақ жоғары және жоғары оқу орнынан кейінгі білім және ғылым саласында халықаралық бағдарламаларды әзірлеу және іске асыру мемлекеттің ішкі және сыртқы саясатының негізгі бағыттары мен мемлекеттің әлеуметтік-экономикалық саясатының негізгі бағыттары, оның қорғаныс қабілеті, қауіпсіздігі, қоғамдық тәртіпті қамтамасыз ету, ҚР заңнамасына сәйкес мемлекеттік білім беру жинақтау жүйесі саласында мемлекеттік саясатты қалыптастыру және іске асыру;

- білім беру саласындағы уәкілетті органмен бірлесіп Қаржы нарығын және қаржы ұйымдарын реттеу, бақылау және қадағалау жөніндегі уәкілетті органмен келісу бойынша білім беру жинақтау салымы және білім беру жинақтау сақтандыруы туралы үлгілік шарттарды әзірлеу және бекіту;

- білім беру саласындағы уәкілетті органмен бірлесіп мемлекет сыйлықақысын есептеу әдістемесін әзірлеу және бекіту;

-білім беру саласындағы уәкілетті органмен бірлесіп оператор мен қатысушы банк, оператор және қатысушы сақтандыру ұйымы, оператор және қатысушы білім беру ұйымы арасында мемлекеттік білім беру жинақтау жүйесі саласындағы ынтымақтастық туралы үлгілік келісімдерді әзірлеу және бекіту.

Қаулы 2025 жылғы 12 наурыздан бастап қолданысқа енгізіледі.