Археологиялық және басқа олжаларды мұражайға қалай беруге болады: ережелер әзірленді

Республика аумағында археологиялық жұмыстарды жүргізуге тарих және мәдениет ескерткіштерінде ғылыми-реставрациялау жұмыстарын немесе археологиялық жұмыстарды жүзеге асыру жөніндегі қызметке лицензия болған кезде жол беріледі делінген.

Қағидаларға сәйкес, археологиялық жұмыстарды жүзеге асыратын жеке және заңды тұлғалар, олар басталғанға дейін, уәкілетті органға хабарланатын халықаралық және Республикалық маңызы бар тарих және мәдениет ескерткіштеріндегі жұмыстарды қоспағанда, археологиялық жұмыстардың басталғаны туралы облыстар мен қалалардың жергілікті атқарушы органдарына хабарлайды.

Қазақстандықтар, сондай-ақ шетелдіктер Қазақстан аумағындағы археологиялық жұмыстар нәтижесінде алған барлық материалдар мен олжалар ғылыми бекітілгеннен және өңделгеннен кейін Республиканың мемлекеттік мұражайларына берілетіні көрсетіледі.

Қазақстан аумағында археологиялық жұмыстармен айналысатын қазақстандықтар мен шетелдіктер археологиялық жұмыстар аяқталғаннан кейін күнтізбелік 60 күн ішінде уәкілетті органға мынадай құжаттарды қағаз және электрондық жеткізгіштерде жіберуге тиіс:

- жеке тұлғаның тегі, аты, әкесінің аты немесе заңды тұлғаның атауы, археологиялық объектінің атауы, қаржыландыру көзі көрсетілген хат;

- археологиялық жұмыстардың мақсаттары, міндеттері мен сипаттамаларын қамтитын қысқаша есеп;

- материалдар мен олжалардың мөлшері, салмағы, формасы, дайындау материалы, материалдар мен олжаларды орындау техникасы көрсетілген және әр материал мен олжаның түрлі-түсті фотосуреттері қоса берілген материалдар мен олжалардың тізбесі.

Ұсынылған құжаттарды уәкілетті орган олар келіп түскен күннен бастап 60 күнтізбелік күн ішінде қарайды.

Келіп түскен құжаттарды уәкілетті органның жанындағы тарихи-мәдени мұра мәселелері жөніндегі арнайы комиссия қарайды.

Құжаттарды қарау нәтижелері бойынша Комиссия материалдар мен олжаларды мұражайдың атауын көрсете отырып, республикалық немесе жергілікті маңызы бар мемлекеттік мұражайға беруді ұсынады.

Комиссияның ұсынымдары негізінде уәкілетті орган материалдар мен олжаларды республикалық немесе жергілікті маңызы бар мемлекеттік мұражайға беру туралы шешім қабылдайды.

Осыдан кейін уәкілетті орган қабылданған шешім және материалдар мен олжаларды қабылдау-беру рәсімін жүзеге асыру қажеттілігі туралы Жеке және заңды тұлғаларды және тиісті мемлекеттік мұражайды хабардар етеді.

Жеке және заңды тұлғалар материалдар мен олжаларды ғылыми бекіту және өңдеу туралы есепті қоса бере отырып, хабарламаны алған күннен бастап бір жыл ішінде мемлекеттік мұражайға береді.

Материалдар мен олжаларды мемлекеттік мұражайға беру қабылдау-тапсыру актісімен ресімделеді, ол әр тарап үшін екі данада жасалады.

Құжат 20 наурызға дейін ашық талқылау үшін "Ашық НҚА" сайтында орналастырылған.