ЮНЕСКО-дағы тарих және мәдениет ескерткіштерінің тізімін ұсыну: ережелер әзірленді

ҚР дүниежүзілік мәдени мұрасының алдын ала тізімі – ЮНЕСКО-ның Бүкіләлемдік мәдени және табиғи мұра тізіміне енгізу үшін ЮНЕСКО-ның бүкіләлемдік мұра комитетіне ұсынылатын тарих және мәдениет ескерткіштерінің тізбесі.

Алдын ала тізімді қалыптастыру үшін облыстар мен қалалардың жергілікті атқарушы органдары уәкілетті органға тиісті ұсыныстар жібереді.

Жергілікті атқарушы органдардың ұсыныстарын уәкілетті орган күнтізбелік 45 бес күн ішінде арнайы комиссияның қарауына шығарады.

Арнайы комиссияның ұсынымы негізінде уәкілетті орган алдын ала тізімді қалыптастырады.

Алдын ала тізімді қалыптастыру кезінде Қазақстан 1994 жылғы 29 сәуірде ратификациялаған дүниежүзілік табиғи және мәдени мұраны қорғау туралы Конвенцияда айқындалатын дүниежүзілік мәдени мұра тарихы мен мәдениетінің әлеуетті ескерткіштеріне критерийлер, сондай-ақ тарих және мәдениет ескерткішінің көрнекті әмбебап құндылығы ескерілетіні көрсетіледі.

Алдын ала тізім кем дегенде 10 жылда бір рет жаңартылады.

ЮНЕСКО-ның дүниежүзілік мұра комитетіне ұсыну үшін уәкілетті орган қалыптастырған алдын ала тізім негізінде құжаттама дайындалады.

Алдын ала тізімді ұсыну конвенцияның талаптарына сәйкес ағылшын немесе француз тілінде толтырылады.

Алдын ала тізімді ұсыну тарих және мәдениет ескерткішінің Конвенция өлшемдеріне сәйкестігі, тарих және мәдениет ескерткішінің түпнұсқалығы және/немесе тұтастығы туралы ақпаратты, ұқсас тарих және мәдениет ескерткіштерімен салыстыруды қамтиды.

Алдын ала тізімді ұсыну үшін уәкілетті орган қол қойған құжат ЮНЕСКО-ның дүниежүзілік мұра комитетіне жіберіледі.

Құжат 20 наурызға дейін ашық талқылау үшін "Ашық НҚА" сайтында орналастырылған.