Қазақстанда су ресурстарын ластағаны және сарқылғаны үшін айыппұлдарды қатаңдатқысы келеді

Оның айтуынша, бұл бастамалар жаңа Су кодексінің жобасына ілеспе болып табылады.

"Су қорына мемлекеттік меншік құқығын бұзғаны, су объектілерінің ластануы, олардың бітелуі және сарқылуы үшін айыппұлдарды көбейтуді негізді деп санаймыз, өйткені айыппұлдардың қолданыстағы мөлшері жеке және заңды тұлғаларды заң талаптарын сақтауға итермелемейді", — деп атап өтті Казанцев.

Енді депутат атап өткендей,"нормаларды сақтауға қаражат бөлгеннен гөрі айыппұл төлеу әлдеқайда арзан".

Бұдан басқа, жер қойнауы және жер қойнауын пайдалану туралы кодекске өзгерістер енгізу туралы заң жобасы су объектілерінде жер қойнауын пайдалану мәселелерін реттеуге, сондай-ақ жер асты су ресурстарын басқару саласында бірыңғай терминологияны енгізуге бағытталған.

Иесіз өздігінен төгілетін авариялық гидрогеологиялық ұңғымаларды жою және консервациялау жөніндегі функцияларды беру, жер асты суларына іздеу-бағалау жұмыстарын жүргізу, сондай-ақ су ресурстары және ирригация Министрлігі жанындағы Ұлттық гидрогеологиялық қызметті енгізу туралы нормаларды толықтыру маңызды жаңалық болды.

Жұмыс тобы Су кодексінің жобасына енгізілген өзгерістерге сәйкес нақтылайтын түзетулер енгізді.

"Мәжілістің барлық комитеттері заң жобалары бойынша оң қорытындылар ұсынды. Осыны ескере отырып, аграрлық мәселелер жөніндегі Комитет заң жобаларын бірінші оқылымда мақұлдауды ұсынады", — деп түйіндеді Казанцев.