ҚАЖ мекемелеріне 140 ұялы телефонды әкелу әрекеттерін күзетшілер тоқтатты

Құқық тәртібі әскерлерінің әскери қызметшілері қылмыстық-атқару жүйесінің қызметкерлерімен бірлесіп тыйым салынған заттарды мекемелерге әкелу және беру әрекеттерінің жолын кесу жөніндегі жұмысты жалғастыруда.

Мәселен, ҚР ІІМ Ұлттық ұлан құрамалары мен бөлімдерінің қарауылдары мен әскери нарядтары ҚАЖ мекемелерін күзету бойынша міндеттерді орындайды. Күн сайын сотталғандардың мінез-құлқын күзету мен қадағалауды қамтамасыз ету мақсатында қызметке 2 мыңға жуық әскери қызметші қатысады.

Айта кетейік, қарауылдар мен бақылаушылардың әскери нарядтарының жеке құрамымен ағымдағы жылы тыйым салынған заттарды мекемелердің қоршаулары арқылы өткізудің 20 жағдайы тіркелді.

Бақылау және қадағалау жөніндегі әскери қызметшілер 140 ұялы телефонды, 152 SIM-картаны, 45 тесетін-кесетін затты, 420 гр-нан астам марихуананы, сондай-ақ құрамында спирті бар 20 литр сұйықтықты тауып алып, тәркіледі. Жедел-тергеу тобына берілген 17 бұзушы ұсталды.

Естеріңізге сала кетейік, қылмыстық-атқару жүйесі мекемелерінде заңдылық пен тәртіпті сақтау ҚР ІІМ Ұлттық ұланының маңызды міндеті болып табылады.