Қазақстандағы адам саудасының құрбандарына арналған әлеуметтік қызметтер: қайда жүгіну керек және нені білу керек

Ведомствоның 2025 жылғы 25 ақпандағы жарияланымында әлеуметтік кодекске сәйкес адам саудасының құрбандарына әлеуметтік-тұрмыстық, әлеуметтік-медициналық, әлеуметтік-психологиялық, әлеуметтік-педагогикалық, әлеуметтік-еңбек, әлеуметтік-мәдени, әлеуметтік-экономикалық, әлеуметтік-құқықтық қызметтердің кепілдендірілген көлемі ұсынылатыны атап өтілді.

Бір қызығы, қылмыстық іс аяқталмаған немесе медициналық ұйымда стационарлық емделуде болған жағдайда қызмет көрсету мерзімі алты айды құрайды, 9 айға дейін ұзарту мүмкіндігі бар.

Сондай-ақ, Қазақстанда адам саудасының құрбандарына арнаулы әлеуметтік қызметтер көрсету бойынша 13 дағдарыс орталығы жұмыс істейді, оның ішінде 2 – і мемлекеттік секторда Абай, Шымкент), 11-і мемлекеттік әлеуметтік тапсырыс шеңберінде (Ақмола, Ақтөбе, Жамбыл, Жетісу, Қарағанды, Қостанай, Қызылорда, Солтүстік Қазақстан, Түркістан (2) облыстар, Астана).

"2024 жылы Адам саудасының 247 құрбанына көмек көрсетілді, олардың ішінде 114 адам шетел азаматтары болып табылады", - деп ҚР ЕХӘҚМ баспасөз қызметі хабарлады.

Сондай – ақ, 2024 жылдың қорытындысы бойынша адам саудасының құрбаны болған адамдардың ішінен 32 адам жұмысқа орналастырылды, оның ішінде 4-шетелдік азаматтар.

Жұмыспен қамтуға жәрдемдесудің барлық шаралары өтініш сипатында екенін атап өткен жөн:

"Оларды алу үшін тұрғылықты жері бойынша мансап орталығына жүгіну қажет. Бұл ретте зорлық-зомбылық немесе адам саудасының құрбаны мәртебесін көрсету талап етілмейді".

Барлық қызметтер құпиялылық негізінде және мән-жайларды қосымша нақтылаусыз ұсынылады.

Бір күн бұрын Еңбекмині 2025 жылдың басынан бері бір мыңнан астам этникалық қазақтар қандас мәртебесін алғанын мәлімдеді. Қазақстанға келген қандастардың жартысынан көбі (51,9%) ҚХР – дан, 37,5% – Өзбекстаннан, 7,1% – Түркіменстаннан, 1,8% – Ресейден және 1,7% - басқа елдерден.