Жетім балалардың тәлімгерлері психологиялық дайындықтан өтеді

Тиісті заңға 2025 жылғы 10 ақпанда Мемлекет басшысы қол қойды.

Білім министрлігі оқытуды тәлімгерлік ұйымдары өз қаражаты есебінен жүргізетінін хабарлады.

Жетім балалар мен ата-анасының қамқорлығынсыз қалған балаларға арналған ұйымдардағы балаларға жеке қолдау көрсетуге бағытталған тәлімгерлік институты Қазақстанда 2024 жылы енгізілді. Бұл механизм білім беру ұйымдарының тәрбиеленушілерін 10 жастан бастап тәуелсіз өмірге дайындауға ықпал етеді.

Қамқоршыларға қойылатын талаптарға сәйкес келетін ҚР кәмелетке толған азаматтары тәлімгер бола алады.

Міндетті оқудан өткеннен кейін тәлімгерлер біліктілігін растайтын сертификат алады. Содан кейін тәлімгер, қорғаншылық және қамқоршылық органы, сондай-ақ білім беру ұйымдары арасында тәлімгерлік туралы ресми келісім жасалады.

Министрлікте атап өткендей, болашақта тәлімгерлік өмірлік қиын жағдайға тап болған балаларды қолдау жүйесінің маңызды бөлігіне айналады және олардың қоғамға табысты кірігу мүмкіндігін арттыруға көмектеседі.

Заңға сәйкес тәлімгерлік жөніндегі ұйым – республика аумағында 10 жасқа толған жетім балалар мен ата-анасының қамқорлығынсыз қалған балаларға арналған білім беру ұйымдарындағы жетім балаларға, ата-анасының қамқорлығынсыз қалған балаларға тәлімгерлікті ұйымдастыру жөніндегі қызметті өтеусіз негізде жүзеге асыратын коммерциялық емес ұйым.

Тәлімгерлік жөніндегі ұйым:

- тәлімгер болғысы келетін адамдарға консультациялық көмек көрсету;

- тәлімгер болғысы келетін адамдарды оқытуды жүзеге асыру;

-жетім балаларға, ата-анасының қамқорлығынсыз қалған, жетім балаларға және он жасқа толған ата-анасының қамқорлығынсыз қалған балаларға арналған білім беру ұйымдарындағы балаларға тәлімгерлерді іріктеуді жүзеге асыру;

- тәлімгерлерге құқықтық және психологиялық көмек көрсету;

- өз қызметі туралы тоқсан сайынғы есепті қорғаншылық немесе қамқоршылық жөніндегі функцияларды жүзеге асыратын органға ұсынуға;

-жетім балалардың, ата-анасының қамқорлығынсыз қалған, жетім балалар мен он жасқа толған ата-анасының қамқорлығынсыз қалған балаларға арналған білім беру ұйымдарындағы балалардың, сондай-ақ тәлімгерлердің дербес деректерінің құпиялылығын қамтамасыз ету;

-бала орналасқан жетім балалар мен ата-анасының қамқорлығынсыз қалған балаларға арналған білім беру ұйымын, қорғаншылық немесе қамқоршылық жөніндегі функцияларды жүзеге асыратын органды, ішкі істер органдарын қайтыс болу, балаға қатыгездік көрсету, оның ішінде балаға физикалық немесе психикалық зорлық-зомбылықты жүзеге асыру фактісі анықталған кезден бастап жиырма төрт сағат ішінде хабардар етуге, сондай-ақ тәлімгерлік жүзеге асырылатын баланың жыныстық тұтастығына жасалған әрекеттер.