Теміртауда жедел басқару орталығы ашылады

Биыл қалалық полиция басқармасы базасында жұмыс істей бастайтын жаңа орталық қаланың қауіпсіздік жүйесінің маңызды элементі болады.

ЖБО-ға Теміртауда орнатылған сегіз мыңнан үш мыңға жуық бейнебақылау камерасы қосылады. Бұл құқық қорғау органдарына оқиғаларға жедел ден қоюға, криминогендік жағдайды бақылауға, сондай-ақ білім беру мекемелері мен балабақшалардың қауіпсіздігін қамтамасыз етуге мүмкіндік береді.

Облыстық полиция басшысы жедел және ахуалдық орталықтарды іске қосуға дайындықты бақылауды күшейтуді, қысқа мерзімде оларды толық қуатына шығаруды тапсырды.

Сапар барысында ол полицияның жеке құрамымен кездесу өткізіп, ішкі істер министрінің негізгі тапсырмаларын қызметкерлерге жеткізіп, қоғамдық қауіпсіздікті қамтамасыз ету саласындағы басым міндеттерді белгіледі.

- Әрбір қылмыстың артында адам тағдыры тұр. Біз қылмыстарды ашып қана қоймай, олардың алдын алуға міндеттіміз. Жұмыстың маңызды бағыты-жолдардағы қауіпсіздік, ол назарда қалуы тиіс, - деп атап өтті Негмет Исмағұлов.

Құқық қорғау органдарының мәліметінше, полицияның үйлесімді жұмысының арқасында Теміртауда ауыр және аса ауыр қылмыстар саны азайды, денсаулыққа ауыр зиян келтіру жағдайлары азайды, сондай-ақ алаяқтық деңгейі, оның ішінде интернетте де төмендеді.

Департамент бастығы қоғамдық орындарда қылмыстың алдын алу бойынша жұмысты күшейту және қылмыс деңгейін төмендетуді жалғастыру міндетін қойды.

Жұмыс сапары аясында Негмет Исмағұлов ІІМ-де 2025 жыл "алдын алу жылы" деп жарияланғанын, осыған байланысты халықты құқықтық ағарту және алдын алу шаралары мәселелері бірінші кезектегі міндет болуға тиіс екенін еске салды.