Неліктен елде ақылы жолдардың саны артып келеді

Фото: Kazinform

18 Ақпан, 202520:35

«Казинформ»

Қазір елімізде ақылы негізде 3,6 мың шақырым автожол жұмыс істейді. Жыл соңына дейін қосымша 4 мың шақырым ақылы учаске іске қосылады, деп хабарлайды kazinform агенттігінің тілшісі.

Ақылы жолдар тек республикалық трассаларда енгізілді. Өздеріңіз білетіндей, өткен жылы көптеген ірі жобалар аяқталды.

Тақырып бойынша сілтемелер18 АқпанҚазақстандағы көлік апаттарының көпшілігінің себебі-трассаның сапасыздығы

Қарағанды-Алматы, Талдықорған-Өскемен, Ақтөбе-Астрахань маршруттарында жұмыстар толығымен аяқталды. Егер бұрын бұл жолдар 2 жолақты, III техникалық санатты болса, бүгінде I санатқа, яғни 4 жолақты санатқа ауыстырылды. Айта кету керек, барлық ақылы жолдар қайта жөндеуден өтіп, күрделі жөндеу жүргізілді, — дейді Көлік министрлігі Автомобиль жолдары комитеті басқармасының басшысы Ғабит Шымырбаев.

Министрлік өкілі елде ақылы жолдардың саны неге өсіп келе жатқанын түсіндірді.

"I санаттағы жолдарды жыл бойы күтіп ұстау үшін қомақты қаражат қажет. Ақылы жолдар республикалық бюджетке ауыртпалық түсірмей өз шығындарын жабу үшін енгізіледі, яғни ақылы жолдардан түскен қаражат оларды ұстауға толығымен бағытталады. Бұл жұмыстар жалғасады. Бұл мәселе Үкімет отырысында да талқыланды. Биыл жоспар бойынша 4000 шақырымға дейін ақылы жол іске қосылады", - деді Ғабит Шымырбаев.

Айта кетейік, елімізде жалпы ұзындығы 2 161 км болатын i техникалық санаттағы 11 ақылы учаске бар, II және III техникалық санаттағы 7 учаскенің ұзындығы — 1 514 км.

Елдегі ақылы жолдардың тізімі:

1. Астана-Щучинск (2013 жылдан бастап)
2. Астана-Теміртау (2019 жылғы қаңтардан бастап)
3. Алматы-Қорғас (2019 жылғы қаңтардан бастап)
4. Алматы-Қонаев (2019 жылғы қаңтардан бастап)
5. Астана-Павлодар (2021 жылғы 23 қарашадан бастап)
6. Тараз-Қайнар (2021 жылғы 23 қарашадан бастап)
7. Шымкент-Қызылорда (2021 жылғы 23 қарашадан бастап)
8. Шымкент-Тараз (2021 жылғы 23 қарашадан бастап)
9. Шымкент-Өзбекстан шекарасы (2021 жылғы 23 қарашадан бастап)
10. Қонаев — Талдықорған (2021 жылғы 23 қарашадан бастап)
11. Щучинск-Көкшетау (2021 жылғы 23 қарашадан бастап)
12. Павлодар-Қалбатау (2023 жылғы 8 қазаннан бастап)
13. Бейнеу — Ақжігіт (2023 жылғы 9 қазаннан бастап)
14. Орал-Самара (2023 жылғы 10 қазаннан бастап)
15. Павлодар-Омбы (2023 жылғы 14 қазаннан бастап)
16. Көкшетау — Петропавл (2023 жылғы 16 қазаннан бастап)
17. Орал-Саратов (2023 жылғы 1 желтоқсаннан бастап)