Қарағанды облысы Мемлекеттік сатып алу басқармасының басшысы тағайындалды

Фото: Қарағанды облысының әкімдігі

17 Ақпан, 202513:50

«Казинформ»

Елнар Уахитов Қарағанды облысы Мемлекеттік сатып алу басқармасының басшысы лауазымына тағайындалды, деп хабарлайды kazinform агенттігі облыс әкімдігіне сілтеме жасап.

Еңбек жолын 2003 жылы "Қарағанды Жылу"ЖШС материалдық-техникалық жабдықтау бөлімінің маркетинг және сапа жөніндегі менеджері болып бастаған. Содан кейін "Қарағанды Тех Сервис" ЖШС директоры, "маркетингтік және талдамалық зерттеулер орталығы" АҚ өкілдігінің консультанты, Қарағанды облысы әкімінің тұрғын үй-коммуналдық шаруашылық жөніндегі орынбасарының бас маман-консультанты болып жұмыс істеді.

Тақырып бойынша сілтемелер10 АқпанҮлкен Михайловка тұрғындарының қауіпсіздігі үшін Қарағандыда темір жол арқылы жаяу жүргіншілер көпірі салынды

Әр жылдары Қарағанды облысы энергетика және коммуналдық шаруашылық басқармасы басшысының орынбасары, Қарағанды облысы әкімі аппаратының ұйымдастыру жұмысы бөлімінің меңгерушісі, Қарағанды облысы жолаушылар көлігі және автомобиль жолдары басқармасы басшысының орынбасары, Қарағанды облысы жолаушылар көлігі және автожолдар басқармасының Көлік және байланыс бөлімінің басшысы, Шахтинск қаласы әкімінің орынбасары, Индустрия және жаңа технологиялар министрінің кеңесшісі қызметтерін атқарды.

2017 жылдың қаңтар айынан бастап осы тағайындауға дейін Астана қаласы "Есіл" ауданы әкімінің орынбасары болып жұмыс істеді.