Ұл немесе қыз: қазақстандықтарға қызықты статистика ұсынылды

Естеріңізге сала кетейік, 2025 жылғы 1 қаңтардағы жағдай бойынша халық саны 20 286 084 адамды құрады (қала тұрғындары – 12 774 743, ауыл тұрғындары – 7 511 341).

"Туған балалар саны 368 670, оның ішінде ұлдар – 190 213, қыздар – 178 457. Туудың ең жоғары деңгейі Түркістан (1 мың тұрғынға 25,05 адам), Маңғыстау (24,47) облыстарында және Шымкент қаласында (23,68) байқалды", – делінген 2024 жылғы қаңтар – желтоқсандағы демографиялық жағдай туралы ақпараттан.

Бюроның мәліметінше, 12 айда қайтыс болғандар саны 133 592 адамды құрады. Өлім-жітімнің ең жоғары деңгейі Солтүстік Қазақстан (1 мың тұрғынға шаққанда 11,57), Шығыс Қазақстан (11,29) және Қостанай (10,18) облыстарында байқалды, бұл осы облыстар халқының жас құрылымына байланысты.

"Өткен кезеңде 123 651 неке, 40 647 ажырасу тіркелді", – Ұлттық статистика бюросы.