Қазақстанда санитарлық авиация паркі жаңартыла бастады

"Бүгін еліміздің ең шалғай бұрыштарының тұрғындары үшін шұғыл медициналық көмекті қауіпсіз әрі қолжетімді етуге мүмкіндік беретін маңызды жаңалықпен бөліскім келеді. Біз ескі медициналық авиация ұшақтарын жаңа заманауи және тиімдірек ұшақтарға ауыстыру процесін бастаймыз", - деп жазды министр әлеуметтік желілерде.

Оның айтуынша, "Еурокоптер Қазақстан инжиниринг" зауытының өндірістік алаңында Медициналық авиацияны дамыту және әуе кемелері паркін жаңарту перспективалары талқыланды.

Airbus Helicopters Kazakhstan Engineering бас директоры Себастьян Ксавье Джонатан кәсіпорынның медициналық авиация қызметтерін көрсету үшін жаңа H125 тікұшақтарын жеткізу мүмкіндіктері туралы айтып берді.

"Жоспарланған серіктестік шеңберінде инвестициялар туралы келісім шарттарында біз тозған техниканы жаңа медициналық тікұшақтармен алмастыра аламыз. Бұл, ең алдымен, біздің пациенттер мен медициналық персонал үшін ұшу қауіпсіздігін қамтамасыз етеді, сондай – ақ борттарда медициналық көмек көрсету үшін неғұрлым қолайлы жағдай жасау маңызды", - деп атап өтті Денсаулық сақтау министрлігінің басшысы.

Сапар барысында Ақмарал Әлназарова екі медициналық модульмен жабдықталған Alaman Air әуекомпаниясына тиесілі Bombardier CRJ-200 турбореактивті мамандандырылған ұшағын қарап шықты. Қазіргі заманғы борт ҚР бүкіл аумағы бойынша өңіраралық тоқтаусыз рейстерді және ҚР пациент – азаматтарын шетелдік клиникалардан тасымалдау бойынша халықаралық рейстерді орындауға арналған.

Санитарлық авиация бригадаларының құрамында жұмыс істейтін дәрігерлер 2024 жылы 2000-нан астам ұшып шықты.