Қазақстанда техникалық колледждерді дамытуға 22 млрд теңге жұмсалады

Сурет: baigenews.kz

8 Ақпан, 202517:36

«BaigeNews.kz»

Үкіметтің кеңейтілген отырысында сөз сөйлеген Қазақстан президенті Қасым-Жомарт Тоқаев жұмысшы кәсіптер жылы аясында маңызды іс-шаралар мен жобалар белгіленгенін, еңбек адамының беделін арттыру бойынша пәндік жұмыс күтіп тұрғанын атап өтті, деп хабарлайды BaigeNews.kz.

"Техникалық және кәсіптік білім беру жүйесін ауқымды трансформациялауды бастау уақыты келді. Бұл процеске барлық бейінді ведомстволар және, ең бастысы, жеке сектор белсенді қатысуға тиіс. Бизнесті осы жұмысқа кеңінен тарту үшін барлық ТжКБ ұйымдары үшін мемлекеттік тапсырыстың мөлшері арттырылады және теңестіріледі. Бұған ағымдағы жылдың бюджетінде қосымша 22 миллиард теңге қарастырылған. Бұл ретте негізгі рөл әкімдерге беріледі, олар кәсіпкерлермен бірлесіп өңірлер үшін басым мамандықтарды айқындап, колледждерді сұранысқа ие кадрларды даярлауға бағыттауы тиіс", - деді ол.

Тақырып бойынша сілтемелер7 АқпанБала-калькулятор: жас қарағандылықты туыстары мен жақындары осылай атайды

Оның пікірінше, ғылым мен жоғары білім саласындағы реформалардың қарқыны мен сапасын сақтау қажет. Үкіметтің бақылауында жоғары оқу орындарының рейтингіне байланысты білім беру тапсырысын саралау бойынша жұмыс болуы тиіс.

"Мемлекет соңғы жылдары ғылымды қаржыландыруды едәуір ұлғайтты және мұны жалғастырады, бірақ бөлінген қаражаттың нақты мақсатты пайдаланылуын қамтамасыз ету қажет. Бюджеттен тек сапалы және сұранысқа ие зерттеулер жүргізетін университеттер, институттар мен ғалымдар ғана ақша алуы керек", - деп қосты ол.