Қазақстанда жалған дипломдары бар ондаған адам балаларды жаттықтырды

Сурет: pixabay.com

8 Ақпан, 202511:03 inbusiness.kz

ҚР Сыбайлас жемқорлыққа қарсы қызметінің ресми өкілі Данияр Бигайдаров ведомствода өткен брифингте Қазақстанда жалған дипломдарды пайдалану фактілері туралы айтты, деп хабарлайды ҚазАқпарат inbusiness.kz.

Бигайдаров бұл адамдар жалған дипломдарды пайдаланып, жаттықтырушылық-оқытушылық және спорттық қызмет атқарғанын хабарлады.

Тақырып бойынша сілтемелер8 АқпанҚазақстанда шаштараз қызметтері бір жылда айтарлықтай өсті

"Мұндай фактілердің көпшілігі Түркістан облысында – 44, Атырау облысында – 30, Алматы облысында – 26, Жамбыл облысында – 22, Ақмола облысында - 20 факт анықталды. Мысалы, Астанада олимпиадалық резервтегі балалар мен жасөспірімдер спорт мектебінің жетекшілерінің бірі жоғары білім туралы жалған дипломдармен жұмыс істеді. Маңғыстау облысында облыстық олимпиадалық резервтегі мамандандырылған балалар мен жасөспірімдер спорт мектебі директорының орынбасары жалған дипломмен жұмыс істеді", - деді ол.

Оның айтуынша, барлық фактілер бойынша материалдар Ішкі істер органдарына берілген, қазір олар бойынша сотқа дейінгі тергеу жүргізілуде.