Қарағанды облысының оқушылары сколиозбен жиі ауыра бастады

Балалар арасында соматикалық сырқаттанушылықтың алдын алу мәселелері санэпидбақылау департаментінің қызметінде басым бағыт болып табылады, деп атап өтті Юрий Залыгин брифингте сөйлеген сөзінде.

"Медициналық тексеру нәтижелері бойынша білім алушылардың ең көп үлес салмағы көру органдарының патологиясына тиесілі – бұл 64%, сколиозға – 22,5%, жүйке жүйесінің патологиясына – 14%. Ал 2023 жылмен салыстырғанда балалардың Сколиоз ауруы 4,5% - ға өсті. Бұл көбінесе оқу жиһазының жас ерекшеліктеріне сәйкес келмеуіне байланысты. Есепті жылы мектептер мен мектеп-интернаттарды тексеру барысында біз 22% жағдайда оқу жиһазын өлшеу нормативтеріне сәйкессіздікті анықтадық", - деді Юрий Залыгин.

Оқу жиһазына қойылатын санитарлық-эпидемиологиялық талаптардың мұндай бұзушылықтарын жою қажет - сондықтан білім беру объектілерінің басшыларына ведомство тиісті ұсыныстар берді. Санэпидбақылау департаментінде түсіндірілді: білім басқармасы бұзушылықтарды жою бойынша іс-шаралар жоспарын құрды. Қазіргі уақытта мектептерде жиһазды кезең-кезеңімен ауыстыру жүргізілуде.