Айыппұлдар туралы күмәнді кеңестер: қазақстандықтар нені білуі керек

Сурет: polisia.kz

31 Қаңтар, 202511:03 polisia.kz

Азаматтарды жалған ақпараттан қорғау үшін Алматы полициясы Әкімшілік құқық бұзушылық туралы кодекстің нормаларына сүйене отырып, жол қозғалысы ережелерін бұзғаны үшін айыппұлдарды қалай дұрыс төлеу керектігін түсіндіреді, деп хабарлайды Polisia.kz.

Жақында әлеуметтік желілерде жұртшылықты адастыратын жол қозғалысы ережелерін бұзғаны үшін айыппұл төлеу ережелері туралы азаматтарға күмәнді кеңестердің таралуы жиілеп кетті. Осыған байланысты Алматы полициясы Қазақстан Республикасының заңнамасында көзделген нақты тетікті түсіндіреді.

Тақырып бойынша сілтемелер30 ҚаңтарҚарағанды облысында әйелдерге қатысты тұрмыстық зорлық-зомбылық мәселесі өзекті болып қала береді

Қазақстан Республикасы Әкімшілік құқық бұзушылық туралы Кодексінің 62-бабының талаптарына сәйкес әкімшілік жауапкершілікке тартудың ескіру мерзімі екі айды құрайды. Егер әкімшілік құқық бұзушылық автоматты тіркеу жүйелерімен тіркелсе, іс айыппұл төлеу қажеттілігі туралы нұсқама жіберілген сәттен бастап қозғалған болып есептеледі. Құқық бұзушылық туралы SMS-хабарлама айыппұл төлеу қажеттілігі туралы нұсқама ресімделгеннен кейін Бас прокуратураның Құқықтық статистика және арнайы есепке алу комитетінің "әкімшілік іс жүргізулердің бірыңғай тізілімі" ақпараттық жүйесі арқылы автоматты түрде жіберіледі.

Осылайша, егер құқық бұзушыға тиісті түрде хабарланса, айыппұл төлеу қажеттілігі туралы нұсқама міндетті түрде орындалуға жатады. Сонымен бірге, Қазақстан Республикасы Әкімшілік құқық бұзушылық туралы Кодексінің 811-бабының нормаларына сәйкес, азамат айыппұл төлеу қажеттілігі туралы тиісті хабарланған сәттен бастап жеті күн ішінде көрсетілген соманың елу пайызы мөлшерінде айыппұл төлеуге құқылы. Әкімшілік айыппұлдың мөлшері әкімшілік құқық бұзушылық туралы іс қозғалған кезде қолданылатын айлық есептік көрсеткішке сәйкес келеді.

Белгіленген үлгідегі түбіртекпен айыппұл төлеу қажеттілігі туралы нұсқама құқық бұзушылық тіркелген күннен бастап 10 тәулік ішінде көлік құралының иесіне жіберілетіні туралы ақпарат шындыққа жанаспайтынын атап өткен жөн. Бұл жағдайда кейбір азаматтар Қазақстан Республикасы Әкімшілік құқық бұзушылық туралы Кодексінің 822-бабының талаптарын қате түсіндіреді.