"Жылдамдықты асырмаңыз!": ІІМ жүргізушілерге жүгінді

- Құрметті жол қозғалысына қатысушылар! Ауа-райының өзгеруі жол қауіпсіздігіне айтарлықтай әсер етуі мүмкін. Сондықтан белгіленген нормалар мен ережелерді сақтау өте маңызды.

Қаңтар айында адамдар зардап шеккен ірі ЖКО тіркелді. Негізгі себеп - шектеулі көріну кезінде қауіпсіз жылдамдықты сақтамау.

Сондықтан азаматтарымыздың өмірі мен денсаулығының қауіпсіздігі мен сақталуын қамтамасыз ету мақсатында жолдардың ең көп жүретін учаскелерінде жылдамдықты шектеу туралы шешім қабылданды. Атап айтқанда, Астана – Щучинск және Астана – Қарағанды бағыттары бойынша 3.24 "ең жоғары жылдамдықты 60 км/сағ шектеу" белгілері белгіленді, олар тек нашар көріну, көктайғақ немесе басқа да ауа райы факторлары жағдайында әрекет етеді.

Көктайғақ, боран, тұман немесе басқа ауа райы жағдайлары туралы хабарлағаннан кейін бірден бұзушылықтарды бекіту камералары көрсетілген жылдамдыққа бейімделеді.

Дауылды ескертулер, ауа-райының нашарлауы туралы ескертулерде, сондай-ақ "Яндекс", "2GIS", "Enrive" және басқа да қосымшаларда енгізілген жылдамдық шегі туралы ақпарат көрсетіледі.

Жолдар ашылған кезде шектеулер алынып тасталады.

Сонымен қатар, біз барлығын жол ережелерін қатаң сақтауға және ауа райының өзгеруін ескеруге шақырамыз. Сіздің және айналаңыздағы адамдардың қауіпсіздігі Сіздің назарыңызға және көлік жүргізу жауапкершілігіне байланысты екенін еске салғым келеді. Жылдамдықты асырмаңыз, абай болыңыз, жолда шыдамдылық пен түсіністік танытыңыз.

Біз бірге жолдарымызды қауіпсіз ете аламыз! - деп атап өтті ІІМ Әкімшілік полиция комитетінің ерекше тапсырмалар жөніндегі аға инспекторы Ақтоты Боранова.