Барлығы үшін жұмыс: Теміртауда Бос орындар жәрмеңкесі өтті

Сурет: gov.kz

28 Қаңтар, 202510:50

Акимат Карагандинской области

Осы демалыс күндері Бос орындар жәрмеңкесінде Теміртау тұрғындары өздеріне жұмыс таба алды. Оған 200-ге жуық ізденуші қатысты, олардың 70-і жұмысқа орналасуға жолдама алды, деп хабарлайды Қарағанды облысының әкімдігі.

Бос жұмыс орындарын түрлі қызмет салаларынан 30 кәсіпорын, соның ішінде Qarmet және Qarmet Service, "КазАрматура" зауыты, "КазЭнергоМаш"корпорациясы ұсынды.

Сондай-ақ прокуратура өкілдері мен пробация қызметінің инспекторларынан кеңес алуға болады.

"Бізде халықтың әртүрлі санаттары үшін жұмыс орындары бар. Біз ЖОО түлектері мен NEEТ-жастарға, мүмкіндігі шектеулі жандарға, сондай-ақ бас бостандығынан айыру орындарынан оралғандарға арналған бос жұмыс орындарын ұсынамыз. Сонымен қатар, қалада зейнеткерлерге өз қалауы бойынша сабақ табуға көмектесетін "Алтын жас" бағдарламасы сәтті жұмыс істейді. Бос орындар барлығына жеткілікті", - деп атап өтті Теміртау қаласының Мансап орталығының директоры Мақсат Төлеутаев.

Мансап орталығы өкілдерінің айтуынша, мұндай жәрмеңкелер ай сайын өткізілетін болады.

Сонымен қатар, Теміртау тұрғындары жұмысқа орналасу мүмкіндіктері мен жұмыссыздарға арналған бағдарламалар туралы көбірек білуі үшін Ашық есік күндерін ұйымдастыру жоспарлануда.