Қазақстандықтардың жартысына жуығы медициналық қызметтерге қанағаттанбайды

Оның айтуынша, денсаулық сақтау шығындарының едәуір артуына қарамастан, азаматтардың медициналық қызмет көрсетуге қанағаттану деңгейі төмендеуде.

"Соңғы үш жылда денсаулық сақтау шығындары 2,8 есе өсті, ал халықтың қызмет көрсету сапасына қанағаттану деңгейі 47 пайызға дейін төмендеді. Денсаулық сақтау министрлігі МӘМС нәтижелерінің бірі болып саналатын диагностикалық қызметтердің тұрақты өсуі туралы үнемі есеп береді. Олардың деректері бойынша консультациялық-диагностикалық қызметтер, КТ, МРТ саны 7 есеге артты. Алайда диагностикалық қызметтердің өсуі ауруларды ерте анықтауға әсер еткен жоқ. Тіпті кейбір жағдайларда бұл қызметтер қажеттіліктің жоқтығына қарамастан тағайындалады", - деді Еспаева Мәжілістегі Үкімет сағатында.

Депутат саланы қаржыландыру көлемі ұлғайғанын, алайда кейбір жүйелік проблемалар шешілмеген күйінде қалып отырғанын атап өтті. МӘМС-ке халықтың төмен қызығушылығы халықтың осы жүйеге деген сенімін жоғалтуға және оның тиімділігінің төмендеуіне әкеледі.

"Саланы цифрландырудың әлсіз деңгейі, бұл қаржыны басқаруда, бұрмалауда, тіркеуде олқылықтар туғызады. Екі қаржыландыру пакетін бөлудің бұлыңғырлығы, бұл медициналық қызметтерге ақы төлеуде әкімшілік қиындықтарға әкеледі. Медициналық қызметтерді тұтынудың өсуіне, инфляцияның өсуіне және медициналық қызметтердің төмен тарифтеріне байланысты саланы қаржыландырудың жеткіліксіздігі. Жалпы, барлық медициналық ұйымдардың пациентке бағдарлану қағидатынан табысқа бағдарлану қағидатына көшу үрдісі байқалды", - деп атап өтті Еспаева.

Парламентарий Мемлекет басшысының денсаулық сақтау жүйесінің тиімділігін арттыру және жағдайды теңестіру үшін Үкімет алдына қойған міндеттерін еске салды:

"Біріншіден, денсаулық сақтау жүйесін қаржыландырудың теңгерімді моделін әзірлеу; екіншіден, базалық мемлекеттік медициналық көмектің бірыңғай пакетін қалыптастыру; үшіншіден, Бірыңғай медициналық ақпараттық жүйені қалыптастыруды аяқтау".