Кәдімгі SMS-код алаяқтарға қалай көмектеседі

Киберқылмысқа қарсы іс-қимыл басқармасы 1414 абоненттік нөмірін заңсыз пайдаланумен байланысты интернет-алаяқтық фактілерінің жиілеп кеткені туралы ескертеді.

КИБЕРПОЛДЫҢ айтуынша, SMS-кодты жіберу және оның сұрауы алаяқтардың психологиялық айла — шарғы жасау құралы болып табылады.

- Көп ұзамай жәбірленушіге пошта, салық, коммуналдық қызметтің немесе Құқық қорғау органының қызметкері болып көрінетін тағы бір алаяқ қоңырау шалады. Ол жәбірленушіні үшінші тарап қосымшаларын орнатуға немесе жағдайды түзету үшін сыртқы сілтемелерге өтуге көндіреді, бұл жеке мәліметтер SMS-код арқылы алынған деп мәлімдейді. Бұл әрекеттер қауіпті, себебі олар пайдаланушының банктік шоттарын бұзуы мүмкін. 1414 нөміріндегі SMS-код несие алуға мүмкіндік бермейді, өйткені банктердің өздерінің биометриялық аутентификация және SMS-хабарламалар жүйесі бар. Бұл әдіс — алаяқтардың пайдаланушының сеніміне ие болуға бағытталған психологиялық айла-шарғы және манипуляциялық құралы, - деді қала ПД киберқылмысқа қарсы іс-қимыл басқармасының басшысы Анес Қалдыбаев.

Психологиялық қысым жасай отырып, алаяқтар, әдетте, несие алуға сендіреді. Негізінен, алаяқтықтың бұл түріне егде жастағы адамдар ұшырайды. Кейбір жағдайларда азаматтар өздерінің ақшалай қаражаттарын депозиттерден алуға және оларды "сақтандыру шотына"салуға көндіреді.

Азаматтар өз мүлкін кепілге қойған немесе сатқан фактілер тіркелді, өйткені оларға қарызды рәсімдеу әрекеттері туралы хабарланды.

Түскен ақша өз еркімен алаяқтар көрсеткен шоттарға аударылды немесе оларға жеткізу қызметінің курьерлері арқылы берілді.