Ауруханаға жатқызуға жолдама және медициналық картадан шығару: медициналық көмек көрсету бойынша жаңа мемлекеттік қызметтер

Бұйрықпен мемлекеттік қызметтер көрсету қағидалары бекітілді:

- пациенттерге стационарға жатқызуға жолдама беру;
- стационарлық науқастың медициналық картасынан үзінді көшірме беру;
- санаторий-курорттық емделуге қажеттілік туралы қорытынды беру.

Пациенттерге стационарға жатқызуға жолдама беру бойынша мемлекеттік қызметті қалай алуға болады

Мемлекеттік қызметті алу үшін тіркелген жері бойынша тікелей немесе "электрондық үкімет"порталы арқылы емханаға (МСАК ұйымына) жүгіну қажет.

Электрондық форматта мемлекеттік қызметті алу үшін порталда ЭЦҚ қойылған мемлекеттік қызметті алуға сұрау салу қалыптастырылуы тиіс. Мемлекеттік қызметтің нәтижесі "жеке кабинетке" электрондық құжат нысанында келеді.

Қандай құжаттар қажет болады

Көрсетілетін қызметті берушіге жүгінген кезде:

- жеке куәлік немесе цифрлық құжаттар сервисінен электрондық құжат (сәйкестендіру үшін);
-жіберілетін диагнозға сәйкес клиникалық-диагностикалық зерттеулердің нәтижелері.

Портал арқылы жүгінген кезде:

Көрсетілетін қызметті алушының жеке басын куәландыратын құжат туралы мәліметтерді көрсетілетін қызметті беруші цифрлық құжаттар сервисінен (сәйкестендіру үшін) Порталда тіркелген пайдаланушының ұялы байланысының абоненттік нөмірі арқылы бір реттік парольді беру арқылы немесе портал хабарламасына жауап ретінде қысқа мәтіндік хабарлама жіберу арқылы ұсынылған құжат иесінің келісімі болған жағдайда алады.

Учаскелік дәрігердің, бейінді мамандардың жазбаларының және клиникалық-диагностикалық зерттеулердің нәтижелерінің электрондық көшірмелері медициналық ақпараттық жүйелерден алынады.

Қызмет пациент МСАК ұйымының құжаттарын тапсырған сәттен бастап бір жұмыс күні ішінде тегін көрсетіледі.

Жолдама беру рәсімі қандай

Мемлекеттік қызметті алу үшін емханаға тікелей жүгінген кезде пациент тиісті диагноз бойынша клиникалық-диагностикалық (зертханалық, аспаптық және функционалдық, бейінді мамандардың консультациялары) зерттеулерінің нәтижелерімен алдын ала жазылу бойынша учаскелік дәрігерге қабылдауға барады.

Учаскелік дәрігер тексеру, зерттеу нәтижелері негізінде стационарға жіберу үшін көрсетілімдердің немесе қарсы көрсетілімдердің болуы туралы медициналық картаға жазба ресімдейді. Қарсы көрсетілімдер болған жағдайда учаскелік дәрігер бас тарту негіздерін көрсете отырып, медициналық картадан бас тартуды ресімдейді.

Мемлекеттік қызметті портал арқылы көрсету үшін МСАК ұйымының басшысы медициналық ақпараттық жүйелер мен дербес медициналық деректерге қол жеткізе алатын мемлекеттік қызметті көрсетуге жауапты адамды (жауапты маман) тағайындайды.

Жауапты маман дәрігердің стационарға жатқызуға жіберу туралы жазбаларының электрондық көшірмелерінің толықтығы мен сәйкестігіне, клиникалық-диагностикалық зерттеулердің нәтижелерінің медициналық ақпараттық жүйелердің деректеріне сәйкестігіне құжаттар пакетін тексереді.

Құжаттардың толық топтамасы және дәрігердің стационарға емдеуге жатқызуға жіберу туралы қорытындысының электрондық көшірмелері, клиникалық-диагностикалық зерттеулердің нәтижелері медициналық ақпараттық жүйелердің деректеріне сәйкес болған кезде жауапты маман стационарға электрондық құжат нысанында жолдама қалыптастырады, ЭЦҚ-ға қол қояды және көрсетілетін қызметті алушының жеке кабинетіне жолдайды.

Мемлекеттік қызметті көрсетуден бас тартқан кезде жауапты маман дәлелді бас тартуды ресімдейді, ЭЦҚ арқылы қол қояды және көрсетілетін қызметті алушының жеке кабинетіне жібереді.

Бас тартуға негіздер:

- Мемлекеттік қызметті алу үшін көрсетілетін қызметті алушы ұсынған құжаттардың немесе олардағы мәліметтердің анық установстігін анықтау.
- Мемлекеттік қызметті көрсету үшін талап етілетін қолжетімділігі шектеулі дербес деректерге қол жеткізуге көрсетілетін қызметті алушының келісімінің болмауы.

Стационарлық науқастың медициналық картасынан үзінді көшірмені қалай алуға болады

- Стационарлық науқастың медициналық картасынан қағаз тасығышта жүргізілген тексеру, емдеу нәтижелері және одан әрі бақылау жөніндегі ұсынымдармен бірге емдеуші дәрігер мен бөлімше меңгерушісі қол қойған үзінді көшірме стационарда емдеу аяқталғаннан кейін шығарылған кезде (шығарылған күні) беріледі.

- Үзінді көшірме медициналық ақпараттық жүйелерге үзінді көшірменің нақты уақыты көрсетіле отырып, үзінді көшірме жасалған күні енгізіледі.

Стационардан шығарылғаннан кейін мемлекеттік қызметті алу үшін пациент көрсетілетін қызметті берушіге тікелей немесе "электрондық үкімет"арқылы жүгінеді.

Электрондық форматта мемлекеттік қызметті алу үшін порталда ЭЦҚ қойылған мемлекеттік қызметті алуға сұрау салу қалыптастырылады. Мемлекеттік қызмет көрсету нәтижесі пациентке электрондық құжат нысанында "жеке кабинетке" жіберіледі.

Пациент құжаттарды "жеке кабинетке" берген кезде көрсетілетін қызметті берушінің уәкілетті тұлғасының ЭЦҚ қойылған электрондық құжат нысанында мемлекеттік қызмет көрсету нәтижесін беру күнін белгілеу туралы хабарлама не электрондық құжат нысанында мемлекеттік қызмет көрсетуден бас тарту туралы дәлелді жауап жіберіледі.

Ол үшін қандай құжаттар қажет:

Жеке куәлік немесе цифрлық құжаттар сервисінен электрондық құжат (сәйкестендіру үшін).

Портал арқылы пациенттің жеке басын куәландыратын құжат туралы мәліметтерді жүгінген кезде көрсетілетін қызметті беруші портал хабарламасына жауап ретінде бір реттік пмарольмен немесе қысқа СМС жіберу жолымен расталған құжат иесінің келісімі болған жағдайда цифрлық құжаттар сервисінен алады.

Мемлекеттік қызметті алу үшін тікелей жүгінген кезде пациент стационардың басшысы тағайындайтын жауапты маманға жүгінеді.

Статистика бөлімінің қызметкері медициналық ақпараттық жүйелерде ауруханаға жатқызу фактісі туралы деректерді нақтылайды.

Ауруханаға жатқызу фактісі және құжаттардың болуы расталған кезде статистика бөлімінің қызметкері медициналық ақпараттық жүйелерден үзінді көшірме алады. Емдеуші дәрігер мен бөлімше меңгерушісі келіскен және қол қойған үзінді көшірме көрсетілетін қызметті алушыға жүгінген күні беріледі.

Мемлекеттік қызметті Портал арқылы көрсету үшін стационар басшысы уәкілетті органның медициналық ақпараттық жүйелеріне ақпараттық жүйелеріне қолжетімділігі бар жауапты маман тағайындайды.

Жауапты маман тексереді:

- толықтығына арналған құжаттар пакеті;
- көрсетілетін қызметті алушыны медициналық ақпараттық жүйелерде емдеуге жатқызу фактісі туралы деректерді нақтылайды.

Құжаттардың толық топтамасы және медициналық ақпараттық жүйелерде емдеуге жатқызу фактісі расталған жағдайда жауапты маман ЭЦҚ қойылған медициналық ақпараттық жүйелерден үзінді көшірмені көрсетілетін қызметті алушының жеке кабинетіне жібереді.

Санаторий-курорттық емдеу қажеттілігі туралы қорытындыны қалай алуға болады

Мемлекеттік қызметті алу үшін азамат тіркелген жері бойынша емханаға тікелей немесе "электрондық үкімет"арқылы жүгінеді.

Электрондық форматта мемлекеттік қызметті алу үшін порталда ЭЦҚ қол қойылған мемлекеттік қызметті алуға сұрау салу қалыптастыру қажет. Мемлекеттік қызметті көрсету нәтижесі электрондық құжат нысанында "жеке кабинетке" жіберілетін болады.

Қандай құжаттар қажет

Көрсетілетін қызметті берушіге жүгінген кезде:

- жеке куәлік немесе цифрлық құжаттар сервисінен электрондық құжат (сәйкестендіру үшін).
-жіберілетін диагнозға сәйкес клиникалық-диагностикалық зерттеулердің нәтижелері.

Портал арқылы жүгінген кезде:

Көрсетілетін қызметті алушының жеке басын куәландыратын құжат туралы мәліметтерді көрсетілетін қызметті беруші бір реттік парольді беру арқылы немесе портал хабарламасына жауап ретінде СМС жіберу арқылы ұсынылған құжат иесінің келісімі болған жағдайда цифрлық құжаттар сервисінен алады.

Санаторий-курорттық емдеу қажеттілігі туралы дәрігердің қорытындысының электрондық көшірмелері және клиникалық-диагностикалық зерттеулердің нәтижелері медициналық ақпараттық жүйелерден алынады.

Мемлекеттік қызметті алу үшін емханаға тікелей жүгінген кезде пациент тиісті диагноз бойынша клиникалық-диагностикалық (зертханалық, аспаптық және функционалдық, бейінді мамандардың консультациялары) зерттеулерінің нәтижелерімен алдын ала жазылу бойынша учаскелік дәрігерге қабылдауға барады.

Учаскелік дәрігер тексеру, зерттеу нәтижелері негізінде амбулаториялық науқастың медициналық картасында санаторий-курорттық емделуге мұқтаждығы туралы қорытынды ресімдейді, санаторий-курорттық картаны толтырады.

Мемлекеттік қызметті портал арқылы көрсету үшін МСАК ұйымының басшысы медициналық ақпараттық жүйелер мен дербес медициналық деректерге қол жеткізе алатын жауапты маман тағайындайды.

Жауапты маман медициналық ақпараттық жүйелердің деректері негізінде дәрігердің санаторий-курорттық емделуге мұқтаждығы туралы қорытындысының, клиникалық-диагностикалық зерттеулердің нәтижелерінің толықтығы мен электрондық көшірмелерінің сәйкестігіне құжаттар пакетін тексереді.

Құжаттардың толық пакеті және дәрігердің санаторий-курорттық емделуге мұқтаждығы туралы қорытындысының электрондық көшірмелері, клиникалық-диагностикалық зерттеулердің нәтижелері медициналық ақпараттық жүйелердің деректеріне сәйкес келген кезде жауапты маман ЭЦҚ қойылған медициналық ақпараттық жүйелерден санаторий-курорттық картаның электрондық көшірмесін көрсетілетін қызметті алушының жеке кабинетіне жібереді.

Бұйрық 2025 жылғы 4 қаңтардан бастап қолданысқа енгізіледі.