Тоқаевқа Сенаттың 2025 жылға арналған жұмыс жоспары туралы хабарланды

Мәулен Әшімбаев:

- Сенаттың ағымдағы қызметі мен алдағы кезеңге арналған жоспарлары туралы хабардар етті:

- үшінші сессияның басынан бастап Парламент 28 заң қабылдады, оның 5-ін депутаттар бастамашылық етті. Атап айтқанда, Мемлекет басшысының тұрғын үй саясаты, білім беру және бала құқықтарын қорғау, білім беру жинақтау жүйесі, биржалық сауда және кәсіпкерлік, сот жүйесі және есірткінің заңсыз айналымына қарсы іс-қимыл мәселелері жөніндегі Жолдаулары мен тапсырмаларын іске асыру шеңберінде бірқатар заңдар қабылданды;

- қазіргі уақытта сенаторлардың бастамасымен жұмысшылардың, креативті индустриялардың, орман шаруашылығының және ерекше қорғалатын табиғи аумақтардың еңбек құқықтарын қорғау салаларын реттейтін заң жобалары Парламенттің қарауында;

- Сенат жыл басынан бері 50-ге жуық іс-шара өткізгенін, сенаторлар Үкіметке 67 депутаттық сауал жолдағанын, ал парламентаралық ынтымақтастық аясында 40-тан астам халықаралық кездесулер өткізілгенін атап өтті;

– келесі жылға арналған жоспарда-бюджет, құрылыс, су және Салық кодекстерін, сондай-ақ "Түркістан қаласының ерекше мәртебесі туралы" және "тұтынушылардың құқықтарын қорғау туралы"заңдарды қарау бар екенін айтты. Жұмысшы мамандықтар жылына арналған парламенттік тыңдаулар өткізу жоспарланған.

- Президенттің тапсырмасы бойынша құрылған Қазақстанның орнықты дамуы саласындағы ұлттық мақсаттар мен міндеттерді іске асыру мониторингі жөніндегі парламенттік комиссияның жұмысы туралы ақпарат ұсынды;

- Сенат жұмысының басымдықтарының бірі Мемлекет басшысының өңірлерді одан әрі дамыту бойынша қойған міндеттерін іске асыру болып табылатынын хабарлады. Осы желі бойынша Палата мәслихат депутаттарымен жұмысты жандандырды;

- 2025 жылдың қыркүйегіне жоспарланған Әлемдік және дәстүрлі діндер көшбасшыларының VIII Съезіне дайындық туралы хабардар етті.