Қазақстанды индустриясы дамыған елге айналдыру маңызды - Тоқаев

"Мемлекет мықты болуы үшін, ең алдымен, біздің өңірлеріміз мықты болуы керек. Біз Қазақстанның дамыған өнеркәсібі бар елге айналуын маңызды деп санаймыз. Стратегиялық маңызы бар Жетісу облысына көп көңіл бөлінеді", – деді президент "Талдықорған"индустриялық аймағында өнеркәсіптік аккумулятор батареяларын өндіру зауытының қызметкерлерімен кездесу барысында. 

Тоқаев Жетісу облысында жұмыс сапарымен жүр. Құны 8,5 млрд теңге болатын жоба өткен жылы жөнделіп, жаңғыртылғаны атап өтілді. Бюджет қаражатына электр жабдықтары орнатылды, кәріз және газбен жабдықтау желілері тартылды.
14,3 га кәсіпорын осы жылдың 6 желтоқсанында іске қосылды.

Мемлекет басшысының хабарлауынша, толық қуатқа шыққан кезде кәсіпорын жылына 210 мың аккумулятор өндіріп, 180-ге дейін жұмыс орнын ашуды жоспарлап отыр. Шығарылатын өнімнің 60% – ы ТМД және Балтық елдеріне экспортталады, 40% - ы ішкі нарыққа жеткізіледі. Зауыт іске қосылғаннан кейінгі бірінші жылы бюджетке 500 млн теңгеден астам салық төлейді деп күтілуде.

Содан кейін Тоқаев кәсіпорын басшыларымен кездесті. Ол отандық бизнесті қолдауды мемлекеттік саясаттың негізгі бағыттарының бірі деп атады.