Патрульшілер Қарағанды облысындағы тас жолда қатып қалған автобус жолаушыларына көмектесті

Сурет: polisia.kz

11 Желтоқсан, 202416:27 polisia.kz

Жолда патрульдік полиция қызметкерлері дизельдің қатып қалуынан кептеліп қалған автобус жолаушыларына көмек көрсетті, деп хабарлайды Polisia.kz.

Алматы — Екатеринбург тас жолының 559 шақырымында, Гүлшат кентінен 30 шақырым жерде Қарағанды облысы ПД патрульдік полиция батальонының қызметкерлері Volvo автобусының жолаушыларына көмек көрсетті. Алматыдан Екібастұзға баратын көлік құралы дизель отынының қатып қалуына байланысты жол жиегінде тоқтады. Сонымен қатар, автобустағы автономды жылытқыштың да істен шыққандығы анықталды, бұл борттағы 15 жолаушы мен жүргізушіге үлкен қауіп төндірді.

Тақырып бойынша сілтемелер10 Желтоқсан 2024Қарағанды облысында 53 адам ақаулы автобустан эвакуацияланды

Оқиға орнына патрульдік полицияның екі экипажы тез келді. Полицейлер жолаушыларды эвакуациялауды ұйымдастырып, оларға қажетті көмек көрсетті. Қазіргі уақытта барлық жолаушылар қауіпсіз.

Полиция қызметкерлері жолаушыларды межелі жерге одан әрі тасымалдауды ұйымдастыруға жәрдемдесуді жалғастыруда.